有錢人家嘅仔女，通常離唔開嬌生慣養、好食懶做，甚至一副二世祖作風。不過，李嘉欣同許晉亨嘅富三代寶貝仔，百億家族資產嘅9歲許建彤Jayden Max，含住金鎖匙出世，屋企有幾個傭人服侍，但估唔到，由佢陪父母逛超市，將購物車擺返原位先至離開嘅好表現，一啲都無少爺仔嘅缺點。個仔做唔成紈絝子弟，李嘉欣厥功至偉。
- 李嘉欣條褲縷空、透視。
有自理能力非高分低能
58歲許晉亨同50歲老婆李嘉欣，話晒年過四十先做父母，當然要抽多啲時間陪伴Jayden成長，享受家庭樂啦，連去超市入貨都一家三口齊人出動，唔假手傭人。得Jayden一粒仔，疼錫有加係必定嘅，但唔等於縱容，所以Jayden未有能力出錢就要出下力，負責推購物車。其實推下車仔好小事，冇乜大不了，但最估Jayden唔到嘅，係佢交還購物車時嘅舉動。Jayden協助父母將購物車上嘅物品搬上私家車之後，就負責將購物車交還，佢唔係求其將車仔停放一邊就算，而係整齊有手尾咁隊返入車陣，一架架排列好，仲會車還車、購物籃還購物籃分類歸位擺放，好有家教。搞掂晒之後，又不忘利用超市提供嘅搓手液清潔雙手。
以上一切，許晉亨同李嘉欣冇出聲指示、提醒，淨係企喺一邊默默觀察，睇到9歲囝囝做嘢細心、有責任感兼有獨立自理能力，唔似啲「口靚」仔繑埋手乜都等人做，或者高分低能連便利店買廁紙、8達通入閘都搞出大頭佛，應該會感到自豪、驕傲。
自小灌輸幸福非必然
Jayden並唔嬌生慣養，歸因於李嘉欣育兒理念。首先，李嘉欣講過絕不做虎媽，而係尊重小朋友童年天真、快樂嘅權利，畀小朋友應有嘅成長空間，因為佢覺得小朋友唔需要完美，更加唔係為父母面上貼光、養兒防老嘅存在，只要小朋友開心健康咁生活就足夠。
另外，李嘉欣認為小朋友茁壯成長唔等於處處保護佢，就算個仔係許家後人，一樣唔畀佢覺得身嬌肉貴，反而要佢喺探索中，明白挑戰與艱辛一定會有，所以愈早愈體驗跌倒愈好，早啲學習爬返起身。
李嘉欣仲講過自己有時幾嚴厲，必要時都要狠心打手板：「最緊要係唔好縱，如果一個媽咪經常要工作，冇時間，交託外傭照顧，小朋友好容易被寵壞，教佢做係辛苦過幫佢做，所以我覺得最緊要係嚴啲，同埋要全部屋企人好合拍去迫佢自己做。我嚴厲到㗎，我狠心程度，佢冇得同我negotiate或者各樣嘢。如果佢真係做咗曳嘢，打手板都會。其實呢個對佢將來係好，到佢長大，發覺環境唔係咁保護，其實佢會受苦，所以我覺得嚴母係必要。」
難怪，Jayden並非入讀國際學校，而係本地傳統男拔萃小學，想佢生活貼地一啲兼學好中文咁話。
學校以外，李嘉欣會同Jayden玩泥膠、做勞作，又鼓勵個仔多啲郁動，培養佢打高爾夫球、攀石、冰上曲棍球、游水、滑雪和騎馬等多方面興趣。
據聞，為咗教Jayden唔好浪費、唔做溫室小花，仲曾經帶佢體驗劏房添：「我帶佢去劏房體驗，畀佢知道劏房嘅小朋友唔會擁有自己嘅樂器，都係借返嚟練習，佢就會更珍惜；逐啲種入佢心入面，令佢知道幸福唔係必然。」 ----------------------------
《噴火30年壹驚艷 性感女星典藏集》特刊現已出版，各大書報攤及便利店有售，每本港幣九十八元正。
當年鏡頭下的李嘉欣、黎姿、朱茵、舒淇、邱淑貞等三十位經典港姐、性感女星，一一復刻，艷壓全港。
了解更多
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|