Stephy被網民指佢用假貨！
藝人鄧麗欣（Stephy）10月15日37歲生日，連日來佢都收到唔少蛋糕同禮物，點知今日佢喺社交網嬲爆咁話：「從來尊重知識產權，對這個禮物不了解，純粹覺得幾可愛想跟大家分享，也支持一下好像沒甚麼人認識的小店，現在正了解事件。」仲加咗嬲樣Emoji。事源佢喺網上晒出收到3D玫瑰獨角獸禮物嘅相，留言多謝一間舖頭：「是的，我還有一顆少女心，靚，Thank you。」點知有唔少網民話佢用假貨，唔尊重知識產權，「這隻是假的！假的！假的！請尊重版權！」、「抄人個設計，學咩人講知識產權，獨家專利呀！」事後Stephy更刪走貼文。
其實圈中唔少人都收過玫瑰獨角獸，包括蔡卓妍（阿Sa）、袁詠儀及莊思明等，不過佢哋收嘅係正版！而Stephy前年亦曾被指用A貨手袋，佢事後強調銀包係喺日本好出名嘅二手連鎖店購入，唔會係假！
而日前同Stephy相識10多年嘅視后唐詩詠為佢補祝生日，區文詩（Angela）邀請佢哋去到佢過千呎大宅作客，齊齊燒嘢食！雖然唔係詩詠生日，但佢都笑得勁開心，而冇男友邱勝翊（王子）喺身邊嘅Stephy有一班好姊妹陪過生日，顯得非常幸福呀！
來源 source: http://hk.on.cc
|
鍾意就快D Share啦！
|
|
|