2020年10月5日星期一

【攬實慶祝】參加倫敦虛擬跑勁攪肚痛　梁諾妍感激洪永城幫手拍攝兼接送 #梁諾妍 #洪永城

【攬實慶祝】參加倫敦虛擬跑勁攪肚痛　梁諾妍感激洪永城幫手拍攝兼接送

Inez昨日在港參加倫敦虛擬跑。

由於新冠肺炎疫情關係，今年全球所有馬拉松都取消，有見及此，為鼓勵大家繼續跑步，許多國家都推行線上虛擬馬拉松（Virtual run），即是跑手報名後，留在自己國家地區完成一個馬拉松便可獲得大會的完跑獎牌，而昨日（4日）舉行的倫敦虛擬跑就是其中一個！然而大會於今年8月尾才公佈跑手可報名參加，一個「全馬」是需要兩至三個月時間去訓練，雖然不夠時間訓練，但一向有跑開的梁諾妍（Inez）亦有參加，她說：「呢幾年我一直都有一個目標，就係每年都去外國完成一個全馬拉松，今年飛唔到就參加咗呢個虛擬跑；而另外一個困難係，我未試過喺咁炎熱嘅天氣下跑馬拉松，3日前其實就要開始食好多碳水化合物，令到星期日可以有能量跑步，好可惜因為自己唔習慣食咁多（每天都食夠6碗飯），所以由星期四開始不斷食又不斷肚屙，第一次跑馬拉松個肚咁唔舒服，係咁攪肚痛！」

說到過程中，最高氣溫高達33度，Inez一度自覺就快中暑兼抽筋，中途也要停一停唞一唞，再加上今次比賽沒有官方水站補給，她說：「最感動一定係所有朋友幫助不停補給同陪跑，冇佢哋支持和給予補給，今個比賽我一定完成唔到，真係好感動，好多謝佢哋喺烈日當空下都陪我一起瘋。」雖然開跑時間是早上7點半，但Inez與團隊於早上6點多便開始拍攝，她於社交網特意Tag男友洪永城（Tony）並留言：「也謝謝親愛的 @guruhung 幫忙拍攝加車我返屋企。」當日跑到終點，成身濕晒的Inez都即刻攬實Tony笑到見牙唔見眼，認真Sweet！