2020年10月14日星期三

【頭條獨家】為環保基金籌募發展經費郭秀雲親自設計腕表義賣 #郭秀雲

【頭條獨家】為環保基金籌募發展經費郭秀雲親自設計腕表義賣

郭秀雲為出任主席的「海峰環保教育基金」籌募發展經費，親自設計腕錶義賣。

郭秀雲（Sharon）最近為擔任主席的「海峰環保教育基金」籌募發展保育教育項目經費，跟品牌攜手合作推出以非洲大象為主題的慈善限量版腕表，作義賣籌款。她更身兼三職，除了做模特兒，更擔任腕表設計師兼宣傳照的美術指導。她希望今次義賣腕表有好成績，延續發展環保教育。採訪：杜淑霞

今次慈善限量版腕表義賣活動，原來並非Sharon原構思，「本嚟舊年12月舉辦慈善晚會籌款，順便慶祝自己50歲生日，呢款腕錶係作為認購晚宴座席嘅禮物，但因為疫情搞唔到慈善晚宴，唯有用呢39隻表嚟搞咗個義賣先，但係慈善晚宴我依然想搞㗎！可以大班朋友聚吓，但真係等疫情過去先諗」

努力做好教育

本身是藝術家的Sharon，為了籌款事事親力親為，今次更身兼三職，除了做模特兒，更擔任腕錶設計師兼宣傳照的美術指導，「我攞咗朋友一啲好靚嘅非洲大象相做參考，用咗12隻象嘅不同形態，前後花咗一個月就設計好，暫時只係得一款顏色，如果網上認購反應好，希望到時再推出另一款顏色」

至於選擇以大象為手表主題，Sharon就解釋本身對大象保育一樣好關注，「我哋基金會嘅吉祥物都係象鯊，所以我對大象保育一樣咁重視，加上明年年底全面禁止象牙貿易就有機會正式立法，我想喺呢個關鍵時間提醒吓大家多啲關注，所以就決定用大象設計手表嘅主題。」一直致力推動環保及拯救瀕危動物的Sharon，更計劃跟胞兄郭耀華製作紀錄片，主要放在網上，努力做好教育工作