武漢肺炎肆虐全球大半年，影星湯漢斯、足球先生C朗拿度，連美國總統特朗普也曾先後中招，24歲的施匡翹（Zaina）作為香港娛樂圈首位確診者，卻說：「我覺得都算係好嘅。」
入行數年的Zaina，IG追蹤人數原本只有數萬，不過自從成為「香港娛樂圈頭號確診者」，名字密密見報上頭條，IG追蹤人數更倍升至接近8萬，一疫爆紅，當事人固然始料不及，竟憑「疫情」跑出，Zaina也不否認武漢肺炎的「威力」，她說：「我都會好樂觀去面對，例如大家知道我個名，希望之後更努力，因為觀眾可能因為咁樣而更留意我嘅作品，所以都覺得係一件好事。」
- 武漢肺炎肆虐全球，早前美國總統特朗普亦中招，幸而極速康復。
- 確診武漢肺炎後，施匡翹「知名度」大增，IG追蹤人數更上升一倍。
對留言一笑置之
因禍得福，用來形容Zaina可說十分貼切，「確診」令她成為話題人物，一舉一動都被人議論，例如她在住院期間，發表「用鹽殺菌」、「唔靠藥物，用自身免疫力抗病」等言論，一度引來網民熱議，甚至攻擊，不過自言性格樂觀的Zaina，只會一笑置之，說學識以後言行更加小心。「當刻諗唔到會經歷咁多，同埋覺得自己可能做好多工作，都唔會有太多人留意。無諗過而家可能講少少說話，或者做少少工作，就會突然有好多人討論。我覺得有好有壞，但都會向好方面去諗，以後可能要更小心，或者每件事都做得更好。」
康復後抓緊時間
由醫院到隔離營，Zaina不但感受到健康的重要，連對工作的態度都有所改變：「我更深入了解到健康好重要，同埋真係要好好珍惜生命，有時候會覺得好無常，因為要突然入院，但身上咩嘢都無，只得一個背囊，然後就入咗醫院，連日用品都無，覺得人需要嘅物品其實都好少，要珍惜當下。例如音樂方面，我都會同經理人講唔好再等，可唔可以快啲俾歌我去練習。以前嘅我可能會比較慢熱，覺得唔緊要，覺得慢慢都無問題，但而家就想可以快啲做多啲事情。」
- 有樣有身材的施匡翹，成為不少「連登仔」的討論目標。
豐富人生經歷
一度成為生人勿近的Zaina，當刻有沒有感受到人情冷暖？，她感恩地說：「其實最初康復時，反而係自己擔心其他人會驚，但朋友都無介意，不過自己都選擇留喺屋企再隔離一段時間。而工作時，例如拍攝MV，現場會有好多人，我會再檢測多一次，證實無問題先會同大家接觸。」
確診武漢肺炎，不但未有令Zaina留下陰影，反而令她有所成長，「我覺得如果上天要我經驗，就順其自然，本身都係平常心，因為無特別去諗係好事定壞事，但整個經歷過程學習咗好多嘢。」
來源 source: http://nextplus.nextmedia.com
|
鍾意就快D Share啦！
|
|
|
