Coffee林芊妤自囝囝翟德彥「伯伯」出世後，就為他開設個人Ig，且大受歡迎。Followers達17多萬，不過上星期，在「伯伯」2歲生日，Coffee 就宣布「引退」消息，說因為囝囝開始有自己思想，故希望他可以有一個低調的童年，免得「網紅B」身份令他有虛榮心。
Coffee說：「第時佢再大少少嘅時候，如果keep住有一個social Media嘅platform ，咁佢可能覺得自己同人哋唔同，或者覺得自己好巴閉, 我老公就係驚呢樣野囉，始終都想佢過返D正常小朋友嘅生活。」對於伯伯「引退」，唔少粉絲都感到失落。不過，Coffee 已經講到明會努力調理身體，隨時生第二個，到時伯伯個ig 就會重見天日喇！
事業大翻身
31歲的Coffee ，14 年因為爆出「gathering 」事件，被大台即時炒魷。近年，Coffee 事業大翻身，專注練瑜伽，更開設YouTube 運動頻道，教人修身減肥，成為唔少師奶OL 的偶像。她的YouTube channel 已經累積了123 萬個subscribe，所製作的影片至少幾十萬點擊，巴閉過唔少天王天后。大台花旦，近日更食住強勢，推出自家品牌的瑜伽運動衫，好識搵錢。- Coffee近年開設YouTube 運動頻道，教人修身減肥，成為唔少師奶OL 的偶像。
成BB KOL
Coffee產前產後都sell完美身段，至於囝囝「伯伯」就sell 可愛。眨下眼已經2 歲大的「伯伯」，bb 時期表情多多，經常擺出一副厭世樣，超得意！搞到唔少粉絲日日追睇他的ig，短短2 年，已經有17 萬「信徒」。兩母子變成網紅，出街自然搶fo！好似之前「伯伯」第一日返學，Coffee 上載了一條送返學的短片，之後就有家長批評太高調。- 2歲大的伯伯，經常擺出一副厭世樣，超得意！
被瘋狂集郵扭計
日前《壹仔》見到Coffee 湊埋「伯伯」參加生日會，他一出現，唔小心又搶盡風頭。戒餵人奶幾個月，當日Coffee 同朋友飲下紅酒，「伯伯」就同工人姐姐去吹海風，不知幾寫意。「伯伯」出巡，自然吸引唔少fans ，有媽媽帶住小朋友搵「伯伯」影相，點知「伯伯」唔畀面，係咁扭計。之後Coffee 唯有抱起阿仔，繼續招呼一班fans 。影完一張又一張，「伯伯」唔耐煩，索性吼阿媽唔覺，轉身閃人。
爸爸狂啜伯伯
生日會開始之後，「伯伯」又有粉絲埋身。經過一輪熱身，「伯伯」似乎已經習慣面對鏡頭，今次交足功課，任影唔嬲。唔只粉絲們見到「伯伯」開心，連爸爸都一樣肉緊，抱住個仔狂啜。以「伯伯」的受歡迎程度，一下子要「引退」，fans們又真係好難接受。不過，Coffee 已經預告只要再生小朋友，「伯伯」的ig 就會重開。Coffee 更說：「都會想生個小朋友呀！不過而家都仲係冇消息」- 爸爸抱住伯伯，肉緊狂啜伯伯隻手臂。
睇中醫追女
兩個月前，《壹仔》先見到Coffee 睇中醫，之後她亦承認想追多個B，所以要先調理身體。她更表示同老公一樣都好鍾意小朋友，最好就係追個B女。她說：「生女定生仔而家諗諗吓都唔輪到我揀，咁有BB，如果係仔，我都會照生嘅。」- 兩個月前，《壹仔》見到Coffee睇中醫，之後她亦承認想追多個B
《噴火30年壹驚艷 性感女星典藏集》特刊現已出版，各大書報攤、便利店及《壹出版》網店有售，每本港幣九十八元正。
按此購買
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|