楊秀惠帶初生B女坐私人飛機防疫 返港做校長教人創業 #楊秀惠

由於疫情封關關係，藝人楊秀惠早前為圈外老公生完囡囡後，一直留在大馬湊B女，上月見疫情有所紓緩，才帶着囡囡回港，今日她在IG貼出和囡囡當日返港的照片，原 ...

由於疫情封關關係，藝人楊秀惠早前為圈外老公生完囡囡後，一直留在大馬湊B女，上月見疫情有所紓緩，才帶着囡囡回港，今日她在IG貼出和囡囡當日返港的照片，原來當日為防初生B女有所閃失，「揞荷包」搭私人飛機返港，十分富貴。雖然相中秀惠用emoji遮蓋初生囡囡的容貌，但可見B女頭髮十分濃密。

除了帶囡囡返港讓爺爺嫲嫲見孫女外，楊秀惠早前透露回港最重要目的，是要為自己建立的線上學院教人創業做準備。她表示自己要顧生意、又要成立學校，還要一手一腳照顧B女，一日24小時都不夠用。但每當肥B「小VY」的肉手摸自己塊面時，便會有動力繼續撐下去。她寫道：「就好似佢同我講『媽媽你要努力，要加油幫我賺奶粉錢』」陳自瑤、胡鴻鈞、黃翠如和周家蔚等圈中好友都紛紛送上祝賀，楊秀惠留言多謝之餘，更說：「你哋可以叫我楊校長！」

楊秀惠為防肺炎，早前帶B女由大馬返港，亦選擇坐私人飛機，十分富貴。（IG圖片）



雖然B女未見容貌，但可見到頭髮相當濃密。（IG圖片）



雖然忙工作又要放全副精神湊女，但楊秀惠表示每次見到B女胖手，都有動力繼續撐落去。（IG圖片）



線上學校終於成立，楊秀惠笑言大家可以叫她做「楊校長」。（IG圖片）



除了工作和湊女，早前好友岑杏賢宣佈將要嫁人，楊秀惠返港後亦第一時間約準新娘見面。（IG圖片）



早前亦有約陳恩媺食飯傾湊女經。（IG圖片）

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS/Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！

來源 source: http://hk.appledaily.com

鍾意就快D Share啦！

下一篇 》