有個精明老婆係好嘅！
藝人張繼聰出席活動，透露12月中將到澳門拍戲，會早啲過去隔離，佢話：「喺嗰邊拍戲，加埋隔離要到農曆新年先見到家人，到時聖誕、新年都冇得一齊過，佢哋出面慶祝，我喺酒店喊。」佢又話疫情關係對大家影響都好大，今年當休息咗一年，陪吓家人，屋企睇吓劇本，之後重新出發，手上都有好多劇本，問到時會唔會搵老闆古天樂拍？佢話：「好多人都想搵古仔拍。」
問到休息一年，冇收入係咪食老本，佢話：「個個都係咁，我都有拍抗疫電影同廣告，都開咗10日工。（積蓄見底？）咁又唔會，不嬲有儲錢，理財交畀太太，佢好精明。」再追問佢有冇再買電單車，佢尷尬話都買咗三架，但就唔係好貴，十幾萬。
來源 source: http://hk.on.cc
|
鍾意就快D Share啦！
|
|
|
