鄭伊健、任賢齊、談善言與潘燦良今天於元朗拍攝新片《大Project》，電影故事源自導演沈錫然的親身經歷，伊健與小齊飾演從小相識的好朋友，二人一同經營洗碗工廠生意，卻從中騙取政府福利補助。
伊健指片中演員有來自南亞裔、《全民造星3》的參賽者及運動員等，儼如「聯合國」，而小齊卻笑言不知自己屬於香港還是台灣。小齊很久沒有在香港拍戲，今次是因為伊健的邀請才參與，小齊說：「我哋好耐冇合作，開頭仲以為係做陳浩南或者葉繼歡呢啲，點知原來係一套溫馨勵志電影，係正能量嘅。」問到他們的片酬是否友情價？伊健說：「唔好講呢啲！而家可以開心講我哋有工開，希望多啲戲拍，多啲工開。我都好耐冇拍戲，對上係《黃金兄弟》，我好開心見到四方果，即係飯盒，我出道都鍾意食㗎。」而小齊亦指跟劇組工作人員很久沒見面，早前為電影《跑馬》增肥了兩年，卻未知是否會繼續拍下去，現時唯有行一步算一步。
《大》片拍攝接近尾聲，伊健笑指二人未合作前已很有火花，之前在他的演唱會，當時長髮的小齊扮伊健拍攝宣傳片。疫情下開工，小齊坦言大家要戴口罩開工會較辛苦，但大家也遵守防疫措施，整個拍攝過程也很開心。
問到伊健有關好友錢國偉早前不敵癌魔病逝，他說：「一定要平復，雖然一個相識多年嘅朋友走咗，但用樂觀態度面對，可能佢先去另一個地方準備好，我哋遲啲再過去。」小齊則希望大家都平安健康。
另外，潘燦良以鬈髮韓國大叔造型現身，他笑言早前花了幾小時電髮塑造這個貨車司機造型，他更指經常會改變形象，地中海與光頭也嘗試過，問到太太蘇玉華有甚麼評語？是否為生活增添不少情趣？他笑說：「對佢嚟講一定係，日日唔同樣。」問到想阿蘇也經常改變形象嗎？潘燦良說：「佢OK嘅，keep住已經相當好。」談善言則透露戲中飾演由邊青變社工的角色，她更忍不住爆自己小時已有看伊健與小齊的電影，估不到能夠跟他們合作，感覺有如粉絲見偶像。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
