被譽為香港神劇的《暖男爸爸》，推出以來有不少貼地金句、抗爭對白受觀眾關注，鄭中基飾演暖爸阿榮和囝囝暴龍哥兩位靈魂人物的父子情感人催淚，今晚播出的大結局感動又開心，不過明顯為阿榮和芷明（張可頤飾）留白，有續集伏線，一眾演員和導演監製戚家基均意猶未盡，在結局後開live放彩蛋。
今晚播出的大結局，交代阿榮霸氣老豆波哥（劉江飾）離世，阿榮與暴龍哥黯然傷心。勾起阿榮與妻子餘超瓊（余香凝飾）正式道别悲傷畫面，二人相擁而泣十分催淚。暴龍哥和朋友仔小英幼稚園畢業，要升上小學有另一新開始，單親家長們阿榮和阿ling（文凱玲飾）亦要面對另一挑戰，傷感過後需要向前行生活。陳俞希飾Bianca和強尼飾風流Lantau最終修成正果結婚，這幕也有不少金句，如「結婚會睇到對方甩皮甩骨仍然深愛對方」、「箍得越緊愛得越深」等都令人會心微笑。
一眾演員包括鄭中基、余香凝、張可頤、強尼和陳俞希等齊齊開live時，網民覺得結局好感動，更封余香凝做「洋蔥鯨」，又指「冇諗過鄭中基可以咁催淚」，而強尼在劇集推出後亦獲好評，竟有網民讚他似韓國「國民MC劉在錫」，更多人希望有續集出現。
余香凝表示看到今晚阿榮和鯨魚道別一幕好感動，和老公睇到眼濕濕。至於阿榮和芷明的留白，網民紛紛要求開續集，張可頤即做手勢嗌money、 money。鄭中基則說：「睇到好多留言，其實港劇未死，我哋初衷係為香港人做，為香港人而寫，希望保持住初心。」張可頤亦多謝台前幕後及今次貼地故仔，並稱：「拍咁多劇都冇講過咁貼地對白，史上未試過，想講香港人依然有taste。」強尼亦呼籲支持港劇。
身兼導演及監製戚家基說：「今次成功拍一個戲比香港人睇，無論將來做乜，拍續集都會拍香港人鍾意睇嘅戲，代表香港人想講嘅說話。人同神一線之差，講人話人哋當你係神，呢個就係今時今日嘅香港。」網民隨即留言叫香港人加油，講得好等鼓勵說話。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
