半百的林曉峰（阿Lo）和康子妮早前結束18年婚姻，康子妮在9月時公開承認已與阿Lo離婚，有指兩人離婚的導火線，是男方脾氣大兼佔有慾強，加上疫情影響阿Lo工作量大減，夫妻間經濟也出現問題致屢爆衝突。失婚康子妮即轉做保險，同時緋聞不絕，有傳她曾暗撻人夫黃翊，又傳出康子妮搭上保險上司兼大學同學陳逸汮（Garry），兩人不時出雙入對，關係密切。有讀者陳小姐透過《蘋果》的「爆相爆片」報料，11月13日黑色星期五在金鐘野生捕獲阿Lo孖新歡撐枱腳嘆泰菜。
有讀者陳小姐指11月13日在金鐘太古廣場一間泰國餐廳，撞見阿Lo跟一名束馬尾的中女撐枱腳，相中所見，他們選坐的角落沒有太多食客。陳小姐接受《蘋果》電話訪問時說：「當晚大約7點半左右，我哋喺金鐘太古廣場間泰國餐廳見到林曉峰同個女仔食飯，佢哋未除口罩前，驟眼望埋去，同行個女仔太似康子妮，我就諗都離咗婚，唔會咁好約出嚟食嘢啩。女仔一除口罩，就證實係第二個，不過現場睇側面真係都似樣。嗰個女仔望落去約30歲，後生過康子妮，佢哋對坐，食足兩個鐘，我見到林曉峰同個女仔好好傾，傾唔完咁，細聲講大聲笑，林曉峰把聲好響，佢哋都傾得好開心、好投契，林曉峰全晚都心情靚，成日笑。佢哋坐嗰邊冇乜食客，坐得疏，都冇乜人理佢哋。」陳小姐表示飯後他們又並肩逛商場，一樣雞啄唔斷。相中所見，飯桌上的阿Lo有手舞足蹈，笑不攏嘴。失婚阿Lo火速撻着「嫩版康子妮」，看來他對前妻這類型女仔情有獨鍾。
阿Lo離婚後，被指怒刪與前妻的IG合照，難免令外界猜測是否女方有第三者，阿Lo此舉似要用行動忘記過去，重新開始。但畢竟還有一對兒子，阿Lo和康子妮今年9月都有「合體」，為細仔林熙慶祝16歲生日。阿Lo早前更到內地開工，日前低調返港，又接下ViuTV的新節目《調查男女》。阿Lo昨日出席ViuTV宣傳時心情大靚，有問必答，他表示自己未有新戀情，對前妻康子妮傳有新戀情則大方祝福，強調二人再見亦是朋友，仍有聯絡，也有幫襯她買保險。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|