林家棟、太保主演的電影《手捲煙》成為「第17屆香港亞洲電影節HKAFF」開幕電影，電影節今晚於圓方掀幕，除了家棟和太保，導演陳健朗、演員袁富華、白只、杜燕歌、周祉君、朱栢謙、Bipin Karma等及今屆電影節大使劉俊謙都有出席。
林家棟與古天樂正籌備新片《雞蛋仔》，預計來年開拍，家棟為此片花盡心神，他說︰「劇本已改10幾稿，我夜晚問自己點解要咁辛苦，齣戲係用新導演、新演員，搵啲前輩出嚟，同時畀機會新人，我同古仔講，希望將劇本交到佢手能一拍即合。」由於是本土題材，投資者未必願意投入太多資金，家棟極力游說古仔不收片酬演出，正等待古仔回覆，家棟說：「我已經行呢一步，我就唔收（片酬），如果佢都願意行多一步，就水到渠成。」
對於演出電影《手捲煙》及《雞蛋仔》均不收片酬，家棟說：「仲應付到咪幫下手，唔收錢係會落力啲，想鼓勵大家，我籌備嘅電影會搵前輩同新演員，咁先唔會有斷層。」林家棟憑《手捲煙》獲提名今屆金馬獎最佳男主角，他表示未能預計到時能否出席，因為現在忙着新戲後期製作，他說︰「忙住趕四哥（謝賢）部戲《殺出個黃昏》剪片，後期搞到我頭暈，希望呢兩日內知道。」
此外，劉俊謙正為ViuTV劇集《二月廿九》的延續篇《940920》參與創作，預計明年3月開拍。對於拍拖1年多的女友蔡思韵加入演出，他直認會為女友創作好角色，對於有機會與女友合作，他說：「開心可以一齊合作，工作上好少磨擦，我哋幾有默契。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|