出爐亞洲小姐香港賽區冠軍蔡小蝶，曾聽說選美有黑幕，沒有背景、沒有金錢的話，不論你有樣有身材，對不起，你還是與獎無緣。雖然謠言無從終結，但蔡小蝶亦決定一試，以平常心面對每個挑戰，淡定的表現，令她一嚐冠軍滋味。
一直以來，經常聽到有人話「選美有黑幕」，現年23歲的蔡小蝶日前在亞視總台接受《蘋果》專訪，她強調亞視並沒有黑幕，但卻說：「一開始我覺得係有，可能同其他台一樣，一定要有背景、要有錢，先可以拎到冠軍……頭二啦，第三名應該正常係靠實力，我自己覺得係咁，但而家結果出咗嚟，我好似乜嘢都冇就拎咗冠軍，成件事好似發緊夢咁。」這個「謠言」從哪裏聽來的？她續說：「大家嘅睇法都係咁，拎冠、亞軍都係要有背景同要有錢，但係而家我選咗，我覺得唔係。呢兩個幾月，係辛苦，但我好享受，因為真係幾開心。」她否認因為這個原因而退選港姐，不過蔡小蝶覺得退選港姐，再參加亞姐，亦能為她打響聲勢，讓大家認識她是「退選港姐蔡小蝶」，她開心地說：「所以好多謝當初參加港姐，令我有個新聞點。」
選美前，蔡小蝶任職平面模特兒約7年，每月的平均收入有2至3萬元，她笑說：「我好鍾意返工，幾乎日日都做緊嘢。」但由於疫情嚴重，蔡小蝶的工作量比以前減少，生活過於悠閒，她決定嘗試參加選美。
於是，蔡小蝶參加香港小姐，但在第二輪面試時，因為合約苛刻而決定退賽，她說：「港姐份合約年期比較長，束縛都比較多，我覺得唔係好啱嗰個階段。」退賽後，蔡小蝶轉戰亞洲小姐，她認為亞姐合約對她而言，彈性較高又夠人性化，「亞視喺我哋選嘅過程中，都會間中問我哋嘅意向，之後想發展啲咩，會好take care我哋。」
決賽當晚的演出，表現尚可，就連她自己在當晚亦曾說過「冇諗過自己係冠軍」，蔡小蝶承認自己都有不足之處，「因為我哋有catwalk、跳舞、儀態嘅訓練，我覺得自己嘅資質係偏低，即係大家訓練得好好嘅同時，我係需要用好多嘅時間去練，所以覺得自己嘅勝算唔係特別高。之後覺得平常心啦，只要享受台上嗰3個鐘就已經好滿足。」
既無緣「最上鏡小姐」，又拿不到「才華飛越大獎」，更得不到「最完美體態獎」，覺得自己勝出是僥倖還是憑實力？蔡小蝶說：「我覺得係心態嘅問題，嗰晚我係完全冇緊張嘅心情，所以我覺得贏係一個幸運，好榮幸自己真係贏到，喺台上真係好自然咁做緊自己，所以係一個好輕鬆嘅狀態。」不過蔡小蝶透露最滿意是才藝環節，自彈自唱《小手拉大手》，她笑說：「我彈得唔好，因為我參加之前係乜都唔識，係為咗個比賽我特登去學，大約學咗兩個星期左右，所以我已經好滿意當晚嘅表現，而且我唱歌把聲都比較娃娃音。」
參加選美，自然是踏入娛樂圈的第一步，蔡小蝶坦言希望有機會拍電影、拍劇和做諧星，她笑指自己有喜劇細胞，但由於她在深圳出世，大前提是要練好廣東話。不過她很想與偶像林俊傑合作，「如果佢邀請我做佢MV女主角，我會好開心，因為佢唱歌真係好好聽。」
提到2018年亞姐香港賽區冠軍梁雪瑤，跟她一樣由港姐轉戰亞姐，可惜有頭威無尾陣，演藝事業未如理想，而2019年亞姐香港賽區冠軍羅思雅亦不多演出的機會，蔡小蝶說：「其實都冇話特別擔心，其實亞視投放喺亞姐比賽上嘅精力，係比以前多好多，佢哋好重視，所以我都有少少信心，同埋我覺得喺呢行發展好講運，可能突然之間你喺某一個點會紅，所以喺每一個階段都要做好自己。」她表示亞視已安排電影、劇集的試鏡。
亞視經常被傳財困，蔡小蝶反應很快：「今日唔係拎支票咩！」的確是，在訪問當日，蔡小蝶收到亞視的10萬元奬金的支票。蔡小蝶表示稍後會與亞視簽約，笑言希望日日有工開，或者讓亞視為她向外宣傳一下，「今屆亞姐都有好多新聞點，有好多人關注，我覺得今年嘅亞姐都好正面。」她口中說正面，但實情是賽後負評一籮籮，其中練樂儀和張玥對賽果大表不滿，練樂儀認為自己應該獲得「才華飛越大獎」，而張玥則覺得自己可入三甲。蔡小蝶認為最重要是比賽的心態：「唔好將輸贏睇得太重，如果睇得太重，你會忽略咗個過程，反而令自己會好大壓力、好唔開心，如果我輸咗，我唔會咁樣，因為我一直都好平常心；同埋我嘅調節能力好高，當晚我以為自己乜奬都冇，如果唔得咪出年再嚟過，咁諗會開心啲。其實每個人都有優點，練樂儀台風好好，唱歌好好，佢表現真係唔差。」贏了當然「牙擦」，蔡小蝶不擔心惹來她們反感，「佢哋都有恭喜我攞冠軍㗎！」
採訪：黃曉妍
攝影、攝錄：沈健程
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|