2020年11月3日星期二

跟孫女同日牛一齊慶祝抱孫鼎爺罕現溫柔笑容 #李家鼎 #鼎爺

跟孫女同日牛一齊慶祝抱孫鼎爺罕現溫柔笑容

李氏一家同鼎爺及家族最細嘅孫女慶祝生日。抱住孫女嘅鼎爺笑得好溫柔。

李家鼎（鼎爺）因為主持《阿爺廚房》做到風生水起，狂做飲食業生意，近日更逆市開食店。鼎爺表示連同山頂食店、網購生意店，今年在疫市中開了3店，目前父子共投資7間店，更計劃明年再開新店。鼎爺說：「多謝上天眷顧，拍檔一條心才最重要，而且政府在防疫工夫上做得好，現在疫情緩和，我們對飲食業前景有信心，有意再開店，不過要視乎環境。」

做生意搵到食，《阿爺廚房》第五輯亦已播出，黃昏事業運依然澎湃，最開心當然係佢個仔李泳豪，黐住老竇狂搵錢，應該好快脫離單身生活。

本周日(1/11)係鼎爺牛一，而長子李泳漢細女Charlotte亦係11月1日生日，一個74歲一個兩歲，所以兩爺孫齊慶祝。李泳漢上載慶生照到社交平台，出席生日會有鼎爺、大仔李泳漢一家四口、李泳豪及施明等，抱住孫女影大合照的鼎爺罕現非常溫柔嘅笑容，而李泳豪就好鍾意小姪女，係咁攬住影相。