ViuTV劇集《二月廿九》鐵定明年開拍續集《940920》，名字取自劇中男女主角余家聰（劉俊謙飾）和Yeesa（吳海昕飾）穿越後的相認密碼。劇中枝線不容忽視，飾演Yeesa父親辰叔（張松枝飾）充份表現一段沉默寡言父女情，續集他會否有份參與呢？
今日張松枝在深水埗出席禁毒電影創作比賽活動，對拍續集一事還未收到通知，但隨時準備就緒：「暫時未清楚，當然想拍啦，今次會香港同台灣，我哋嘅班底合作好開心有默契。」松枝不會太現實只講金：「佢哋清楚我價錢，唔會刻薄我，亦唔使加碼，佢哋明白。」松枝坦言因疫情關係近一年沒有返大陸工作，香港工作也受影響，幸好有廣告，並笑言：「嚟緊會做一啲醫學美容代言，你睇我個樣係咪變咗？留待下月公佈，盡量回春，驚到時要拍辰叔前傳措手不及，做唔到後生。」松枝原定已安排明年電影工作，未知會否因疫情受影響。
李日朗和黃榕近日接連孖住出活動，二人相識19年，近日變成教練和學員關係，黃榕說：「而家我係佢健身教練，最初佢質疑我嘅能力，證實咗我舉啞鈴係重過佢。」李日朗首次跟隨女教練健身：「真心欣賞黃榕，我哋未入行時已認識，睇住佢做𡃁模、打碟、健身教練同健美小姐。」黃榕想把李日朗操成大隻仔，稱讚對方唔怕辛苦。李日朗急減肥否認為結婚作好準備，他說：「唔想自己癡肥，近日肥咗8磅，成個人好鈍，唔想咁快就演中年墮落角色，仲可以扮多1、2年小鮮肉，冇理由咁快自甘墮落。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|