2020年11月17日星期二

【Headline Girls】拒談淫蕩牀照 Rose Ma首開腔：我好硬淨

Rose Ma避談不雅牀照事件，只強調冇輕生念頭。

有「電競女神」之稱的Rose Ma（馬俊怡）不時上載性感照到網上派軍糧，成功吸納超過16萬IG粉絲。不過人紅自然是非多，網上瘋傳多張疑似Rose Ma的牀照，並指她曾於夜總會任職「媽媽生」，有人收到過其短訊搵「有潛質」的女仔出席「飯局」，還見過她多次帶「女女」出入私人會所及酒吧，Rose Ma也會親自「下海」服侍客人。神隱三個月，Rose Ma昨天穿上露腰貼身裝束跟小雲寶寶等為直播平台UpLive拍攝廣告，她卻拒回應有關事件：「就呢件事我就唔回應啦，但係我想話我係好開朗嘅一個人，唔會突然間死咗或者消失嘅，我企得喺度證明我好硬淨，冇嘢可以打冧我。」

她表示近日忙於蠟燭店生意，更開教室授課：「佢哋又唔係為我而嚟嘅，男學生都係為咗整禮物畀女朋友，所以唔好諗太多！因為我太愛呢門手藝，投資咗六位數，就算蝕晒都唔會肉赤！」

提到拍直播平台廣告，Rose Ma話自己直播時曾遇變態怪客：「因為直播會有連線功能，即係你都可以見到Fans，要小心揀人去連線，因為隨時會唔知睇到啲咩嘢！有試過男網友話要畀我睇佢『下體』，我當自己睇唔到唔理佢！」

而同場的小雲寶寶就受到疫影影響，未能回台灣工作：「香港同台灣Fans都好唔同，因為香港Fans好直接，佢地有咩要求會同你講，如果有機會都想兩地發展！」