2020年11月17日星期二

寓意永遠煮飯畀老公食爆喊肥媽「煎Pan」花圈送別亡夫 #肥媽

寓意永遠煮飯畀老公食爆喊肥媽「煎Pan」花圈送別亡夫

肥媽老公今日設靈，肥肥在靈堂打點，朋友一埋身安慰就忍唔住喊。

3年前，肥媽（Maria Cordero）的丈夫Da Silva Ricardo Manoel(施曉洋)證實患末期肺腺癌，今年8月因肺炎及血管閉塞入院，本月6日凌晨病逝，終年72歲。

今日家屬為肥媽老公於香港殯儀館設靈，喪禮以天主教儀式進行，明天在聖若瑟堂舉行天主教彌撒大殮，隨即奉柩哥連臣角火葬場進行火葬。靈堂佈置簡約，肥媽送上的心形花圈放在中央位置，花圈上有一隻「煎Pan」，寓意永遠煮飯畀老公食。

肥媽送上的心形花圈放在中央位置，花圈上有一隻「煎Pan」，寓意永遠煮飯畀老公食。

身穿黑色素服和戴上墨鏡的肥媽大約4時15分到達殯儀館，記者上前慰問及問到會否做訪問，肥媽雙手合十並說:「多謝，有心。」其後邀請傳媒進靈堂拍攝，獲友人安慰的肥媽的頻頻傷心落淚。肥媽接受訪問表示老公喪禮有好多人幫手，並指老公好幸福，她說:「當日朝早食早餐後他說去醫院，去到照肺，醫生話肺炎好嚴重，癌細胞擴散到腦，話係呢一、兩日(離世)。老公同仔女及孫用 FaceTime Say byebye，佢同最錫嘅孫女揮手，好似冇事一樣，最後哈哈哈咗3聲就瞓覺，半日就走咗，最欣慰係佢他走得唔辛苦。」

因為疫情的關係，好多親人未能來港奔喪，肥媽指兒子有來港，但仍在酒店隔離中，趕不及出席喪禮，亦有很多親人在美國、加拿大、英國未能出席。肥媽指辦老公後事好順利，老公18號回魂，殯儀館又有位。說到非常捨不得老公時肥媽難過落淚，令人心酸，談到花圈內藏「煎Pan」，她說:「繼續煮飯畀老公食。」老公離世後，肥媽表示不想出街，她指黑妹（李麗霞）和她的契爺契媽去接她出街散心，去山頂和三門仔，但又想起曾跟老公在山頂拍拖飲茶，說到此又再度悲傷哭泣。她說:「老公臨走都叫我繼續做FB，真係畀佢激死。」