娛樂圈又有喜事！繼日前袁偉豪上星期風光娶張寶兒為妻後，袁偉豪的舊愛岑杏賢今日亦傳來喜訊，原來她在昨日已低調與加籍金融才俊張嘉俊（Kelvin）簽紙結婚，十分巧合！岑杏賢的一班好姊妹朱千雪、湯洛雯及張嘉兒都有份見證好友得到幸福的一刻。
據知，岑杏賢昨日在家人和好友的見證下，於酒店簽紙出嫁，雖然整個儀式十分簡單，但岑杏賢都有穿婚紗現身。
朱千雪見證姊妹出嫁感動落淚，她回覆傳媒時指：「大家在婚禮上都好開心，見到她結婚好感動，佢一行出嚟我就忍唔住喊！喊得快過新娘子，見到佢開心我哋都戥佢好開心。」有指已正式做大律師的朱千雪擔任證婚律師，但朱千雪否認。問千雪是否做伴娘？她說：「婚禮上面冇特別姊妹團，不過我哋個個都好開心可以一齊為佢慶祝，婚禮上面一切從簡。」
至於張嘉兒今日回覆《蘋果》時說：「新娘子super super beautiful！連婚禮好sweet 好圓滿，每個人都好開心。」她又大讚一對新人好匹配。張嘉兒補充指原定其女兒擔任花女，但因武漢肺炎疫情再爆發，為安全計，故沒帶囡囡出席，她說：「囡囡都想做花女呀，原本都有邀請佢，亦幫佢做咗裙，我出門口佢都話『我唔係都有得去咩？』但因疫情，所以都冇帶佢去。」
另外，同樣有份見證岑杏賢出嫁的湯洛雯回覆傳媒時稱：「雖然Jennifer（岑杏賢）一切從簡，但成個婚禮全部都好感動，當然祝福佢有一個幸福美滿嘅婚姻同埋老公錫晒佢，希望佢快啲生番個BB就更圓滿。」
岑杏賢晚上終於更新IG，貼出了與姊妹的手拖手合照，各人均戴上有自己英文名的手鏈。岑杏賢與朱千雪兩位人妻，無名指都有大大粒鑽戒。岑杏賢貼文承認做了人妻：「宣讀了誓詞，帶上了結婚戒指，成為妻子。」又表示在結婚當日，戴上姊妹鏈，承諾不會忘記這段友誼。
岑杏賢自2016年與袁偉豪分手後，未再傳出戀情，直到今年情人節才有好消息，與Kelvin拍拖4個月，並已見齊雙方家長。到今年10月，岑杏賢獲朱千雪等人為她慶祝生日時，見到岑杏賢左手無名指戴上鑽戒，再爆出婚訊。岑杏賢曾大讚男友心地好，大家相處很舒服，而且大家有共同目標，再加上對方成熟穩重，所以令她放下戒心，安心與他發展。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
