59歲劉德華和朱麗倩2008年在美國拉斯維加斯秘密註冊結婚，婚後誕下現年8歲的獨生女劉向蕙（Hanna）。《蘋果》昨日收到讀者爆料，指在港島區一間醫院的心臟科樓層，看見朱麗倩陪囡囡做檢查，同行還有劉德華的父親。
讀者崔先生接受訪問表示：「朝早見過劉德華老婆同佢老爺（劉爸爸）一齊喺心臟科出現，陪劉德華個女做檢查，但當時就見唔到劉德華，聽講佢個女入咗醫院一兩日，咩事入院就唔知喇！」讀者指跟他們擦身而過，見到華仔老婆拖着囡囡，小女孩的精神不錯，十分乖巧。
《蘋果》記者接報後趕到醫院，由於武漢肺炎爆發第四波，醫院保安比較嚴密，記者在門外守候了一整天，直至黃昏5時許，見到朱麗倩慣用的白色七人車駛離醫院，只看到車頭位置有司機和保鑣，後座位拉上車窗簾，密不透光，看不到朱麗倩和劉爸爸是否在車內，還有一架七人車殿後護駕，相信是其他保鑣所坐的車輛。
至於未見現身醫院的劉德華，其實目前仍身在深圳拍攝電影，因為疫情關係，往返中港兩地需要接受隔離，電影未拍完，他亦難以抽身返港探女再回大陸。而華仔一直愛護家人，估計他的女兒只是做檢查，否則華仔一定取消所有工作，有消息指囡囡昨天已出院。記者向華仔了解，但暫未獲回覆。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|