陳蕊蕊今天到旺角，與兩位好姊妹林文清（蘇菲）與何麗娟（Kelly）拍攝她們拍直播節目，並與網民分享潮流、美容與身心靈等資訊，蕊蕊坦言今次是首次以自己的節目進行帶貨直播，心情難免緊張：「我哋乜嘢都會分享，除咗帶貨，亦都希望可以帶多啲資訊畀大家。」
蕊蕊又提到有份演出的舞台劇《戀上十二星座》，因武漢肺炎疫情而要第四度延期：「而家延到1月尾，已經延第4次，康文署嗰邊話冇得再延，今次搞唔掂就冇，不過我有信心，因為已經有疫苗。本來個舞台劇係今年4月做，不過咁樣，排練多咗，故事會更好，場次都多咗，會做9場。」
今年初蕊蕊與圈外男友被揭發展新戀情，當時她為了護愛苗，只輕輕帶過，今日再問蕊蕊會否叫男友包場？她笑說：「有朋友買咗好多飛，close啲嘅朋友我叫佢唔好嚟，因為怕甩碌，喺現場我會緊張，叫咗佢唔好嚟。」
現年37歲的蕊蕊跟男友已拍拖兩年，提到何時拉埋天窗？她說：「我哋都有講過，大家都有共識想專注工作先，結唔結婚唔係好緊要。到呢個年紀，拍拖都係向（結婚）呢個方向。」她又認為現今社會生B責任太大：「香港環境唔係幾好，自己經濟未穩定，睇定啲先，而家冇話細個咁憧憬結婚，冇話好想結婚生仔。」至於問到男友經營的食肆會否受疫情影響？她說：「好彩疫情前放咗，而家佢做散job，做吓買賣貨。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
