城城返大陸拍戲搵錢！
天王郭富城11月尾在港出席活動後，唔聲唔聲原來已經去咗大陸拍戲，有網民喺廣州成功捕獲佢呀！
身穿工人褲嘅佢戴上頭盔拍攝揸電單車戲份，同場仲有一個細路女，從後攬住佢，估計二人飾演兩父女，畫面相當溫馨。由於喺街上拍攝，吸引超多途人圍觀，一睹天王風采，唔少人更舉手機拍低城城英姿，有網民大讚佢呢個造型減齡不少，好有西部牛仔Feel。
唔止佢，老婆方媛亦好有時尚觸覺，經常喺社交網站分享日常穿搭，貴為天王嫂，着嘅當然係一線大品牌！近日佢分享咗7個冬天Look，包括型格、甜美、優雅等風格，但竟然有酸民留言狠批佢品味差，話似Cheap貨多過名牌：「一股網紅風」、「有錢和品味確實沒關係，檔次不夠」。不過衣着品味依家嘢好睇個人審美觀，有粉絲大讚佢着咩都咁好睇，最重要生完2個女都咁弗！
來源 source: http://hk.on.cc
|
鍾意就快D Share啦！
|
|
|
