港台主辦「第43屆十大中文金曲」今晚播出揭曉賽果，男歌手銅獎由姜濤獲得，銀獎是許廷鏗，金獎是周柏豪，之前缺席叱咤頒獎禮的柏豪，其實今年只出了兩首歌，但今晚除獲得一首金曲獎外，竟力壓人氣超勁的姜濤及成績出色的許廷鏗奪金，周柏豪甫得歌曲獎時，網民已經急不及待在網上留言鬧爆，揶揄他，「入嚟係為咗dislike呢個奶共豪」、「垃圾豪」、「人民幣好唔好味？」、「唔好講政唔政見，周柏豪真係唔識唱歌。」、「真心佢唔夠班」，排山倒海的負評比正面評論更多。無獨有異，柏豪着藍色西裝攞獎，在拍片講自己的得獎感受時，未知是否大會刻意安排或是自己的選擇，他坐在紅館藍閘的位置拍攝，十分貼近他的立場。
他攞男歌手金獎時說：「對於我嚟講，2020聽到好多朋友話想快啲過 ，我反而唔想，想珍惜時間盡力做好，冇可能2021到就回復正常，以前以為自己好珍惜，對我嚟講過往未盡力，覺得可以做好啲，有少少醒覺我未夠好，自己醒覺做歌意義喺邊，除咗好聽，想佢有生命，大家感受同一件事。」柏豪獲金獎被網民質疑賽果，大會總監程振鵬以短訊回覆《蘋果》：「對於所有獎項，我哋都係根據選舉結果而去頒發的。」
女歌手金獎是Gin Lee，銀獎是鄭欣宜，銅獎是AGA；Gin Lee回顧去年自己經歷很多，在音樂路上，把鮮為人知自己內心一些秘密感受放在歌曲上讓大家聽到：「2020我過得好不一樣，有好多新體會，係我喊最多嘅一年，今年經歷的痛苦快樂美好，不同情感也放在碟中，我大膽咗，經歷某啲事，對自己感受有更深層次，同埋闊咗，感情庫多咗好多顏色，唱時有呢種唱腔，有一啲比較軟弱表達方式。」而她覺得因為疫情影響，很多時要在家工作，但同樣令自己有動力去創作：「對我有新形式，暫時冇自由時，有動力要再做一啲音樂令大家覺有自由喺度，今年我音樂講嘅內心最真實情感，亦係我一路好少講畀大家聽嘅秘密。大家平時見我好堅強，但其實我有面對嘅挑戰同痛苦，我打開呢個門畀大家經歷會有嘅情感。」
十大中文金曲樂隊/組合獎金獎得主是RubberBand，銀獎是Dear Jane，銅獎是ToNick，RubberBand主音6號有感2020年「人無事就世界冠軍」，他很想跟大家擁抱，但疫情下難相近，眾人覺得經歷得多，但大家仍要關心世界，泥鯭覺得世界停頓也不會不連繫，他們覺得因疫情令大家更關心世界，多了留心身邊的事，阿偉說：「創作係好困難嘅一年，過往有困難會易創作，今年多了份無力，要睇你點踏過呢步，好彩我哋係樂隊有人同行。」而6號指路漫長，但大家不要放棄。
十首金曲分別是Dear Jane《銀河修理員》、周柏豪《劫後餘生》、方皓玟《All We Have Is Now》、胡鴻鈞《凡人不懂愛》、泳兒《溝渠暢泳》、陳柏宇《感情這回事》、林家謙《一人之境》、許靖韻《別為我好》、麥浚龍 Feat. 黎明《忘記和記》、莫文蔚《呼吸有害》獲金曲及全球華人至尊金曲，其他得獎歌手都是播MV，莫文蔚就獲厚待有樂隊伴奏現場演繹，而謝安琪則捧蛋。
第43屆十大中文金曲得獎名單：
全球華人至尊金曲獎：
《呼吸有害》 莫文蔚
十大中文金曲獎（排名不分先後）：
《All We Have Is Now》 方皓玟
《一人之境》 林家謙
《凡人不懂愛》 胡鴻鈞
《別為我好》 許靖韻
《劫後餘生》 周柏豪
《忘記和記》 麥浚龍 Feat. 黎明
《呼吸有害》 莫文蔚
《感情這回事》 陳柏宇
《溝渠暢泳》 泳兒
《銀河修理員》 Dear Jane
十大中文金曲國語歌曲獎：
《我是如此相信》 周杰倫
十大中文金曲男歌手獎：
金 獎︰周柏豪
銀 獎︰許廷鏗
銅 獎︰姜濤
十大中文金曲女歌手獎：
金 獎︰Gin Lee 李幸倪
銀 獎︰鄭欣宜
銅 獎︰AGA 江海迦
十大中文金曲樂隊／組合獎：
金 獎：RubberBand
銀 獎：Dear Jane
銅 獎：ToNick
十大中文金曲 CASH 創作歌手獎：
金 獎：馮允謙
銀 獎：陳蕾
銅 獎：Serrini
十大中文金曲新人獎：
金 獎：Anson Lo 盧瀚霆
銀 獎：Thor 駱振偉
銅 獎：JER 柳應廷
十大中文金曲最佳中文唱片獎：
男歌手：《拾》許廷鏗 監製︰ 于逸堯、許廷鏗、S.Door Workshop
女歌手：《摩天動物園》G.E.M.鄧紫棋 監製︰ G.E.M.鄧紫棋、T-Ma 馬敬恆
樂隊／組合：《little by little》小塵埃 監製︰ Edward Chan、李一丁、鄺梓喬
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|