藝人張振朗、龔嘉欣、劉佩玥及丁子朗等，在電視城為劇集《堅離地愛堅離地》宣傳，嘉欣等一眾女演員以「女僕Look」上陣大玩遊戲，相當吸睛。
講到她日前一場爆喊戲，成功引起網民熱話，她與振朗齊齊受訪時表示：「其實都唔記得咗，話晒3年前，之後網民cap圖，啲回憶返晒嚟！記得嗰排嚴重唔夠瞓嘅，雙眼又好乾，好彩振朗傍住，平日我唔容易喊㗎。」振朗即謂：「嚟緊我哋仲會有場飲醉酒、破壞公司嘅戲，拍嘅時候玩到癲，成牆都係茄汁，真係好好笑，記得要睇。」
活動期間他多次為自己主唱的主題曲「賣廣告」，被記者重提他參加新秀的往事，想不到他煞有介事：「依家係生銹，唔好再提呢啲黑歷史啦，當年造型同唱功都得人驚，輸係有原因嘅，大家忘記佢，千祈唔好搵嚟睇。（寧願台慶唔攞獎，都唔想條片被瘋傳？）都係㗎。」而嘉欣則坦言會再與羅天宇合唱，亦不排除染指歌唱界：「自己拍嘅劇集唱番主題曲，特別有感情。」
來源 source: http://hk.on.cc
|
鍾意就快D Share啦！
|
|
|