大名娛樂老闆「大少」林建名日前出殯，今午舉行追思會， 主題是「滄海一聲笑」，靈堂以花海佈置，大女煒珊與三女煒珽向傳媒透露，追思會主題是寓意笑看人生，幾兄弟姊妹亦專誠將花海擺成波浪型，切合主題。
煒珊與煒珽約下午四時半見傳媒，煒珊先向傳媒致謝，其間眼紅、哽咽，一度泣不成聲。煒珊形容爸爸是樂善好施、公益服務貢獻良多：「好正氣，好重於朋友，相識滿天下，所以呢次都有咁多朋友喺疫情下出嚟，我哋四兄弟姊妹都好感激大家嚟作最後一個道別。」煒珊希望可以將大少的正能量傳承：「唔好傷感送別佢，會記得爸爸係一位開心大少。」她亦透露大少將會安葬在家族墓園。
林建名生前業務眾多，其中鱷魚恤將由林煒珊打理，林煒珽則管理大名娛樂。煒珽透露藝人不會受到影響，仍會在大陸、香港兩邊工作。許冠傑為追思會拍片悼念，並自彈自唱《這一曲送給您》，煒珽透露平時會與許冠傑一起食飯，今次是許冠傑主動提議錄片，但沒想過會以唱歌方式向爸爸致敬。
煒珊指今日有4百幾個花圈送到，因為疫情關係，暫時不知有多少賓客將到場，煒珊講到亡父遺照，她解釋爸爸林建名生前喜歡這張相：「因為覺得好似食到好肥咁，食得好好，瘦咗影相，佢反而唔係好鍾意。」她又指與爸爸有太多回憶：「好多時都係一家人嘅回憶。」
胡渭康為契爺林建名的追思會擔任司儀，他跟戴夢夢於下午5點左右到樓下見傳媒，戴夢夢指在契爺林建名彌留時，她有跟契爺視像通話，唱了一首歌《朋友》給他聽，戴夢夢突然眼泛淚光續道：「佢應該聽到，因為佢好鍾意音樂，又鍾意聽歌，佢應該收到，呢首歌喺佢生日嗰陣都唱過畀佢聽。」
胡渭康指自己有一個習慣：「就係借林生名義去捐錢，因為佢咩都有，不過佢未必有時間去照顧咁多人，我除咗捐錢，又會喺我同佢生日嘅日子，用林生個名去請老人家食飯。」講到大名娛樂將來運作，戴夢夢表示要把林生精神一直延續下去，胡渭康說：「聽到好多行家嚟緊搞音樂會，都會留返一張凳畀林生，因為林生真係對娛樂界貢獻良多。」
胡渭康稱契爺教他們做人要開心：「吃喝玩樂之餘，都要回饋社會。」戴夢夢又指契爺教她要樂觀做人，凡事要一笑置之，別太執着，她永遠懷念契爺，她回想自己16歲已認識契爺：「由我幕前轉做幕後，佢都好支持我，我已經當佢係屋企人，唔理係在公在私，我每一個決定，佢都好支持。舊年公司有個舞台劇係《今晚打老虎》，開6場佢都嚟睇咗4場，佢真係一個好樂觀嘅人，我問佢身體點，佢仲叫我食多啲嘢。」戴夢夢亦希望疫情後可以幫契爺舉行紀念演唱會，而胡渭康指追思會將會播出樂壇重量級前輩唱歌的影片，早前已經錄製好，算是一個小型演唱會。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|