27歲吳千語自從與林峯結束5年情，火速跟有錢仔施伯雄（Brian）同居，有傳她當年一腳踏兩船為百億富豪筍盤狠撇林峯，頭也不回，直奔向施伯雄懷抱。今日爆他們已由南灣千呎豪宅搬到九肚山大屋，有指她的新居三層連天台市值約5千萬。
吳千語為咗力保女友地位，不時在社交網晒新居照，又請好友回家食飯猶如女主人大晒「主權」，更經常上載煮各國菜式的影片放上網，大顯身手，讓人感覺「持家有道」，又傳她戒咗喪買名牌呢鋪癮，希望融入勤儉低調的施家，隨時準備做豪門少奶「典範」。而男友施伯雄亦任由她把新居照放上網，看來吳千語早前漏口風講30歲前想結婚，不是夢！
吳千語與施伯雄拍拖兩年幾，早已箍實男友講明30歲前結婚，30幾歲生Ｂ，又話自己身體唔好，又話40歲對佢嚟講太遲，公開向男友「逼婚」。近月又努力在大陸社交網貼出日常溫馨生活嘅自拍片，完全冇放過家中任何一塊鏡，努力自拍晒盡家中每一個角落，而她的新居見到不少Snoopy公仔，據知施伯雄非常喜歡，就連施伯雄社交賬戶嘅profile相都是Snoopy公仔，吳千語當然愛屋及烏，就算拍片都唔敢隨便將公仔拎走。
吳千語入行以來一向目標清晰，揀仔同揀朋友都係非富則貴，一心想嫁入豪門，現時終於箍到紅底背景、資產豐厚的施家，絕對不會錯過。施伯雄爺爺施子清是前全國政協文史委員會副主任，跟國家主席習近平有交情，當年習近平到福建省工作，習近平以福建省省長身份訪港時，曾前往施子清渣甸山豪宅食早餐。之不過其男友施伯雄暫時未有從政，靠自己本事開拓市場，做香港Deliveroo銷售主管、又做Carousell拍香港區總經理，最終又過檔去一間金融科技公司擔任高級副總裁，難怪可以收服港女格嘅吳千語。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
