樂壇第2張成績表「2020年度叱咤樂壇流行榜頒獎典禮」將於今晚7時假九龍灣Star Hall舉行，由於武漢肺炎疫情嚴峻，今晚不設觀眾入場，歌迷只能在門外等偶像，在頒獎禮舉行前2小時，大批歌迷已聚集在停車場，冒住寒風守候，只求見偶像一面。
傍晚5時許，樂隊ToNick首先到場，經過悉心打扮的他們，齊聲指今日大會dress code是「靚」；而何雁詩着露背黑短裙、外穿白毛毛大衣現身，腳踏普通平底鞋，她笑指如果上台會換其他鞋；樂隊野佬（Yellow!）成員何兆基身在加拿大，其他幾位成員戴上黃色口罩，但他們指冇特別意思，純粹配合樂隊名，之後關智斌到場，急步入lift。
而以上一班歌手到場時，現場歌迷是零反應，直至陳柏宇和林奕匡齊齊落車時，歌迷終於有反應，有人大叫陳柏宇，成為零的突破。有份角逐「我最喜愛的女歌手」的Serrini打扮隆重 ，着黑色拖尾長裙，微露「事業線」，歌迷都有被吸引影相。
謝安琪和鄭欣宜都着黑色長裙出席，而戴黑色口罩的方皓玟跌出「我最喜愛的歌曲」五強表示冇失望，最緊要傳達到訊息，困難之中得到力量，對於能否蟬聯「我最喜愛的女歌手」，她亦表示冇信心，「年年都唔知結果入場，自己今年產量唔多，入到最後階段已喜出望外。」並指已做深喉測試。而Super Girls成員Heidi說：「我哋只係做觀眾嚟睇吓，冇做檢測。」
Dear Jane憑《銀河修理員》角逐「我最喜愛的歌曲大獎」，主音Tim表示沒有信心。對於好多網民覺得歌詞貼近社會現實，所以特別支持而拉票，Tim說：「好開心，首歌可以陪伴大家。」談到歌曲被指有顏色之分，會否違背當初原意？Tim說：「自己冇去諗呢樣咁多，最重要係出發點係乜，當初我同Wyman一齊創作時，到而家都覺得好神奇，令咁多人有共鳴，有咁多人鍾意已經足夠，有冇獎都唔重要。」而剛為人父的RubberBand成員阿正缺席，因為BB太細個，所以阿正避去人多地方，小心為上。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
