25歲的𡃁模謝芷蕙（Cammi）前年低調撻着台灣男友S先生，兩人反面收場，S先生向傳媒爆料數臭Cammi，指拍拖時有送過名貴禮物給她，2019年3月又豪花50萬為她在五星級酒店開生日P，去年又付錢讓謝母陪Cammi到韓國整容和隆胸。可惜他們再見不是朋友，S先生公開要Cammi歸還80萬欠款。Cammi今日回覆《蘋果》時大呻：「呢單嘢我真係好無奈，畀人屈到咁。」
Cammi主動解釋是透過朋友認識S先生：「開始我對佢冇咩好感，我朋友三番四次將佢介紹給我認識，把佢形容得很好，因為給朋友面子，所以會勉強出席聚會。佢從2019年3月份開始追求我，追求我時送過一些禮物畀我，可是之後開始發現佢啲行為好變態，佢想同我嘅關係再進一步，我覺得好反感，佢不停搵我，佢甚至迫人飲尿，仲向我朋友淋尿。」Cammi強調自己疏遠都沒有辦法，S先生因愛成恨誣衊她，Cammi直言感到困擾，並沒有再理會他的威嚇。
Cammi承認曾收S先生禮物，卻疑似是A貨。「佢曾經有送過禮物畀我，唔知係咪呢個原因佢想攞番少少錢。佢無送我咩特別禮物，我用過幾次之後懷疑係假，特別係隻手錶，朋友做錶行一見到就話係假嘢，所以我已經掉咗。我而家個男朋友身邊有幾個朋友都認識S先生，都知佢有好多唔好前科同怪癖，鍾意亂講嘢。」對於S先生出示曾轉數給Cammi的截圖，Cammi否認有欠他80萬，她反驚爆曾被S先生禁錮要求過數：「佢曾試過困咗我同朋友係屋企，要脅我轉賬畀佢先肯放我哋走，我一時太驚，所以微信轉咗畀佢，最後我都係同朋友偷跑走咗，之後有去備案，我會保留法律追究權利。如果我真係問佢借咗80萬，佢可以拎借據出嚟呀。」Cammi同時向《蘋果》提供給S先生的三張證明，三張截圖顯示2019年8月13及14兩日期間，Cammi用微信過了三次錢給一名胡姓男子，每次都過2萬，總數6萬人仔（約7.2萬港元）。
S先生爆去年給錢Cammi到韓國整容和隆胸，她只說：「對我嚟講整容微調唔係大問題，亦都冇攞過佢嘅錢整容 ，佢根本無中生有。」Cammi懷疑S先生妒忌她去年跟新歡William拍拖而觸動神經：「直到而家，他也有用小號加我男朋友陳先生。我同男朋友認識咗6年，拍咗拖6個月，佢好相信我。男朋友覺得S先生很變態，叫我唔使理佢，我覺得S先生呢個人簡直係腦袋有問題，有啲人得唔到真心就要毀咗你，真可怕。佢故意去破壞我同陳先生，但我哋一直有溝通呢件事。」
Cammi今午在IG貼出跟新歡William咀嘴兼胸壓合照放閃，William留言撐女友：「無論是誰抹黑你，都不會影響我們的關係，更何況是這種不敢露面的小人，吃不到葡萄說葡萄酸就是這樣。我之前已經聽過身邊朋友說這個台灣人好變態，之前因為得不到一個女的，還仲去跟蹤人，然後淋人哋尿和屎，仲有偷拍別人這種怪癖。講真啦，而家呢個社會，出嚟溝女唔係用錢就係用心，或者你係個靚仔。呢條台灣傻仔3無仲學人出嚟媾女，玩唔起就唔好出嚟玩啦。現在醫美科技發達，有邊個女仔唔貪靚想keep好啲。打個針，填充下，好大件事咩？我和你識咗咁耐，你的事我了解得七七八八，出面啲新聞寫啲乜，係真係假我都知，你身邊啲人都知，愛你嘅人都了解你。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|