郁隻手指助理就知佢想要咩！
台灣著名主持人蔡康永喺大陸綜藝節目上，講到好多人都被「人際關係的神話」綁住，佢舉好友徐熙媛（大S）做例子，指對方靠郁手指向助理示意要飲水、補妝、披外套：「她只要手指頭動這一隻，助理就會把水拿來，動這一隻，助理就會知道要補妝…」不過佢補充大S當時拍緊戲，冇辦法講嘢，所以要靠暗號同助理聯絡，但蔡康永就話：「你這不是訓練狗嗎？這不是對待人的態度，所以如果把人訓練成這樣子，那不叫做他懂你，他只是被你訓練完成而已，所以放掉這些神話。」
節目播出後隨即引起好多網友熱議，有人覺得係助理嘅本分，可以提高工作效率，亦有人表示大S好傲慢，覺得自己係公主，更翻出佢曾喺綜藝節目中，成日都寸同場嘅范曉萱同阿雅，好似話阿雅腳短，身材係五五比例！又篤對方背脊，話阿雅扮演女強人角色入戲太深，一直手機不離手，冇將佢哋放喺眼內，叫陳建州教訓吓佢！不過有網民就覺得都係節目效果，私下感情好好！
事後，蔡康永喺社交網發文向大S道歉，佢表示演講內容經節目組剪輯，故影片中嘅內容並非佢嘅原意，佢留言：「我提到了大S之前參加康熙來了節目、講過的工作情況，因為拍戲過程之中，演員無法與助理說話，必需用手勢來溝通。然後，我提到女生不應該這樣要求男友，不該像是訓練狗那樣的訓練男友。以上是我真實的演講內容，我不知道這個演講後來被剪輯成什麽樣的邏輯，但是目前顯然已經被斷章取義，也被下了很扭曲的標題，造成對大S的莫大傷害，我鄭重且心痛的向大S道歉。我應該預先防範被扭曲或者被誤解的可能，這完全是我的錯誤，非常對不起大S。」
來源 source: http://hk.on.cc
|
鍾意就快D Share啦！
|
|
|