近日暴風雪席捲美國南部，其中重災區德州更一度斷水斷電，現居美國德州的1993年香港小姐季軍余少寶，接受東網訪問時分享現況，她透露當地溫度曾跌至零下14度，路面全部結冰導致難以外出，而市面更是幾乎全面停止運作，她表示：「好多餐廳超市全部關門，就算有啲開嘅，啲嘢都已經畀人買晒，就連便利店嘅水都冇晒，情況重嚴重過肺炎嘅時候。」
她笑指有次幾經辛苦才買得Pizza，即興奮得拍照留念，不過她慶幸家中尚有水、煤氣及糧食，能夠暫時應急：「好多地方都因為啲水凍到結冰，搞到爆水喉，依家德州全個城市嘅水都唔飲得。好好彩我哋呢邊冇事，仲有冰凍嘅水，但就要每晚開住水喉，避免啲水積住結冰。至於食物方面，好彩之前肺炎爆發嗰陣買咗好多急凍食物同罐頭，而且我哋係用煤氣，可以煮嘢食，雖然夜晚冇燈咩都睇唔到就唔知熟未，但係今次經驗可以話係苦中作樂。」她又指因停電關係室內沒有暖氣，故在家中也要着上整套滑雪裝束禦寒。
來源 source: http://hk.on.cc
|
鍾意就快D Share啦！
|
|
|