《陀槍師姐2021》熱播當中，最近講到懸案小組要調查搣屁股色魔，隊中兩位靚女宣萱同埋林穎彤都要親身上陣色誘捉賊，一個熟女一個𡃁妹，兩個打扮鬼咁吸睛！
先講講林穎彤，佢以超熱褲加露臍裝上陣，青春有活力，當中有一幕搣屁股近鏡，原來佢係「親身上股」，見佢幾好肉地，Keep得唔錯！佢為咗拍得逼真，仲叫對方大力啲搣添，真係辛苦晒！至於宣萱，佢行熟女路線，玩魚網黑絲加透視誘惑，仲露少少事業線，另有一番風味！最後佢成功引出色魔，多得羅子溢出手相助，成功破案！
而個色魔其實一啲都唔易做，皆因佢全程零對白，只係靠表情嚟演戲！原來呢個色魔就係伍禮騫，依家29歲嘅佢選香港先生入行，仲殺入十強，之後佢入讀演藝進修班。不過佢都係做配角居多，佢喺《愛．回家之開心速遞》演惡霸「辛子丹」與「辛子雙」而令人認識。
來源 source: http://hk.on.cc
|
鍾意就快D Share啦！
|
|
|