藝人郭晉安（安仔）與譚俊彥落力為主演新劇《失憶24小時》宣傳。2人對於有賀歲劇與觀眾見面大表興奮，更力sell該劇，指喜劇闔家歡外，題材亦相當貼地。安仔難忘其中一場戲，講述譚俊彥教自己英文：「佢帶咗條藤條返嚟做道具。佢拳腳好犀利，差啲打中我。」譚俊彥笑稱是嚴父，教小朋友功課時，亦會拎出藤條「作狀」，不過2人齊聲表示未試過體罰子女，安仔更打趣：「佢哋見到我個樣已經聽聽話話。」
談到今日情人節，譚俊彥靦覥謂：「尋晚諗住踏入12點，就同老婆講情人節快樂，點知瞓着咗。今朝老婆有暗示，我就少少忟，原來係自己失憶添。今年嘅禮物係同啲小情人同床一晚，搞到我腰酸背痛。」安仔則笑言未有慶祝計劃，因太太忙於出門拜年。
提到同劇的湯洛雯缺席宣傳，記者打趣是忙於與男友馬國明慶祝生日兼過情人節。安仔聞言：「咁唔好搞佢最緊要聽晚佢記得開電視。（有傳靚湯8月結婚？）恭喜晒呀，我8月得閒，但知佢應該唔係喎。」
來源 source: http://hk.on.cc
|
鍾意就快D Share啦！
|
|
|
