陳法拉驚喜爆生B女做媽咪，另一靚媽楊洛婷亦在IG宣佈陀第二胎，楊洛婷的Dear Jane主音老公黃天翱（Tim）亦在IG以英文留言說：「係呀，我太太懷孕喇！」二人現時育有3歲囡囡黃子霏（Tanya），而楊洛婷坦言未知今胎性別，表示仔女都好最緊要健康！
她以中英文留言說：「情人節快樂！在象徵着愛的日子，沒甚麼比跟大家分享愛的消息更好！我們的第二位情人即將到臨！」她更將自己的懷孕過程放上YouTube頻道分享，表示去年10月在送囡囡返學途中，有點想嘔，老公Tim還叮囑她不要喝太多咖啡，但她卻自覺可能再懷孕，於是在家中找了一張過期的驗孕紙，結果顯示有條極淺粉紅色的線。之後她再用其他驗孕棒去驗多幾次，終於證實再陀B。片中楊洛婷除了分享自己的懷孕過程，更指陀今胎一點都不輕鬆。「陀囡囡時我冇乜唔舒服，食得瞓得，但陀今胎，第4周已經覺得好暈，第6周便秘好嚴重，第7周直情食唔到嘢落唔到床，之後去嘗試針炙，個人先舒服啲。」
楊洛婷指在覆診時，護士曾問她想知BB性別嗎？但她堅持不用告訴她，待BB出世才揭盅，並說無論男或女，只要BB健康就好。影片後段，只見楊洛婷將BB的超聲波圖片給親友看，眾人都表現雀躍，畫面溫馨感人。
Tim則表示：「短短時間已經收到好多朋友嘅祝賀同關心，感激！好開心呢個新年有一個好開始，藉着今日情人節同大家分享呢份喜悅，希望所有人都開開心心。疫情未過，太太呢段時間陀BB要特別小心，當然我都會特別照顧佢同注意安全。BB大概X月會同大家見面，到時再同各位哥哥姐姐say hi。」
薛家燕今年紅鸞星動，獲李居明批有機會做嫲嫲，估唔到初三已經言中，家燕姐二仔石耀庭在IG宣佈太太有喜，貼上一張從後攬老婆的合照，在老婆肚上擺出心型，寫上︰「Happy Valentine’s Day, Mama.」家燕姐中午回覆《蘋果》，她說：「好開心，當然好興奮，個仔喺情人節呢日選擇公佈，你就明我好忙，哈哈哈！好多謝大家祝賀，都期待做嫲嫲一段時間喇，好興奮！」家燕姐說今日收到好多朋友祝賀，要逐一答謝非常忙碌，但她仍然心情雀躍，無論孫仔孫女都鍾意，BB性別要等阿仔之後再公佈。
----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
