四十九歲的張智霖（Chilam）與同齡的袁詠儀（靚靚），早前慶祝結婚二十周年瓷婚紀念。兩人除了感情恩愛之外，又夫妻檔密密北上掘金。縱然在新冠肺炎疫情下，仍無阻夫妻搵「人仔」，賺到盤滿缽滿。
據知，兩人篤信風水，多年來在星級風水師「苗師傅」指點下，於寓所佈下發達風水陣，令兩人星運亨通。而日前，大除夕年三十晚，兩人風雨不改地堅持到維園行花市，有指亦是得高人教路，年年穿梭花市行大運吸靈氣，以增人緣運，自然就名利雙收喇！
大除夕年三十晚，Chilam與靚靚手繞手，拍拖出巡到維園年宵市場行花市。據知，兩人是依照高人指點，特別穿梭花市行大運吸旺氣。
行花市晒恩愛
上周四（十一日），大除夕年三十晚上約十時， 張智霖（Chilam）與袁詠儀（靚靚）夫婦現身維園的年宵市場，兩人全程戴上口罩，Chilam穿黑色羽絨褸襯牛仔褲，而靚靚則身穿一件白色長褸、素顏零化妝，打扮都極之隨便，竟沒有被途人認出。
記者所見，靚靚繞着老公手臂，拍拖遊勻整個年宵市場，夫妻還不時手指指一些年花，有傾有講，不過，每經過花檔皆「過門不入」、「齋睇唔買」，全程漫無目的地閒逛。其間，兩人不時興高采烈，多次拿出手機，自拍合照兼「打卡」。看來行花市目的不是買年花，而是按傳統習俗所謂的「行大運」。
行花市期間，Chilam多次拿出手機，跟老婆靚靚自拍合照，影相「打卡」。
行大運吸金
Chilam夫婦一直篤信風水玄學，亦是古天樂御用風水師「苗師父」的客仔。多年來，夫婦聽信苗師傅的指點，助兩人星運亨通、夫妻關係亦愈來愈好，難怪對苗師傅更加深信不疑。據知，苗師傅向來主張佈置「大件頭」、甚至體積「一比一」的巨型風水物。年前，他就教Chilam訂製一條四呎長的巨型金龍擺設，擺放寓所窗前吸財、吸名氣。結果，夫妻搵錢「如有神助」，即使去年新冠肺炎疫情下，香港娛樂圈幾乎都停工，但兩人頻頻返內地拍劇、拍戲及亮相綜藝騷吸金，一樣搵錢豬籠入水。
據知，苗師傅亦主張客仔，過年必須行花市，藉此「行大運」。有指因為花市集結人多、熱鬧、氣氛興旺，故到花市只要行個圈，都能採運、沾到旺氣。此外，花市到處都有花，行大運時順便吸收花之靈氣，從而提升人緣運，都有助催旺財運及名氣。
難怪，有高人教路，Chilam夫婦年年堅持到維園行花市，當晚，靚靚更在社交網上載行花市合照，留言道：「每年必定的除夕節目」，原來行花市跟運氣攸關，真是信不信由你！
當晚，靚靚於社交網上載照片，並表示行花市是夫妻每年必定的拍拖節目。
|
鍾意就快D Share啦！
|
|
|