天后王菲深居簡出，平時都要靠佢身邊好友晒合照先知佢近況，原來今個新年佢仍然為前夫李亞鵬旗下嘅「嫣然天使基金」出力，搞團拜派新Tee。當中藝人臧鴻飛就晒出大合照，並配文：「姐說新T很好看 我覺得姐說得對 大家支持嫣然新T恤呀！」
照片中，王菲一頭短髮，一手抬腮、一手搭喺身旁男士嘅膊頭，51歲嘅佢狀態好，仲Chok爆，更加微露鎖骨，罕有輕性感。而阿女李嫣都有出現，雖然佢同媽咪坐到勁遠，不過佢一頭黝黑長髮披肩，又嘟嘴又晒V字手勢，都被網友大讚甜美可愛。
不過有多位網友爆料指，王菲男友謝霆鋒喺王菲母女拜年當日，佢自己就去咗雲頂滑雪，並未有陪同女友，相反王菲緋聞男友、其助手Ryan就跟到王菲實，連合照都坐佢隔籬，令「鋒菲」分手消息再度傳起。
來源 source: http://hk.on.cc
|
鍾意就快D Share啦！
|
|
|
