熱爆娛樂: 文雪兒大女入行│張筠重提媽咪患癌爆喊：做手術前一晚先通知我，有咩事就得番我一個 #張筠 #文雪兒大女

2021年2月2日星期二

文雪兒大女入行│張筠重提媽咪患癌爆喊：做手術前一晚先通知我，有咩事就得番我一個 #張筠 #文雪兒大女

英國讀大學攞獎學金

文雪兒大女張筠(Christy)，去年年中宣布加入娛樂圈，對於女兒決定，文雪兒十分支持，張筠表示由讀中學開始，媽媽對她的決定甚少SAY NO，絕對給她充份自由。

「其實由細至大，媽咪都會放心畀我去做決定，我做咩都OK，只要之前話畀佢聽就可以。例如出國讀書，佢問我想去邊？我話要睇吓邊度有機會，佢就會幫我去達成目標。」她說。

16歲，一直在香港讀中學的張筠，認為應該要轉換環境，結識多些朋友，她會跟媽咪提出「出國可以學到好多嘢」，當年選北京讀預科，因為學費八千元一年，她坦言假若真適應不來，三個多小時機程便可回到香港。

「我嗰兩年冇問過媽咪攞零用錢，因為當時匯錢唔方便，又要收手續費。再且，媽咪當時做嘢好辛苦，佢咁勤力又捱出病，我真係唔好意思叫佢畀錢。」她說為慳錢，整個預科生活幾乎都在學校渡過。

到考進英國大學，為減輕媽咪負擔，她更努力讀書獲獎學金。

現年60歲文雪兒當年誕下兩個女兒後，便跟第一任丈夫離婚，兩個女兒由她照顧成長，張筠回想媽咪悉心培養她和妹妹，每次都難忍淚水。



張筠最緊張媽咪感受，就算曾為IG相有爭拗，最後也會取得共識，無損母女倆感情。



文雪兒其後再婚，一家四口經常PO相社交平台分享歡樂。



張筠有一份正職，她說待3月考畢工程師執照，才考慮下一步計劃。

跟2PM Nichkhun演《Hong Kong Love Story》

在UCL((University College London倫敦大學學院)榮獲土木工程碩士的她，雖然早前已經拍了入行後第一部電影，由荷里活製作，韓國男團2PM泰籍成員Nichkhun演出的《Hong Kong Love Story》，又出席過一些品牌活動，但依然未有放棄3月舉行的工程師執照試，她認為做事要有始有終：「考到執照係一個里程碑，我希望可以先達到呢個目標。」

自認靭力十足，張筠近日返工兼要預備考試，每到週末又要準備好新相，以便她週一至五放IG跟粉絲交流，此舉也令她的ig粉人數不斷增加，故她在家溫習時，媽咪也不敢入房打擾。



張筠上載IG的兩張出海照，畫面中都有雨後有彩虹。



她說好想跟大家分享努力運動後的成果。



她利用工餘時間拍不同類型照片，然後排在週一至五上載，希望大家可以更加認識她。



早前勤於運動的她，更有一張露出人魚線的照片。

為IG相爭拗

提起她的ig生活照，張筠坦言最初跟媽咪為此有些爭拗，尤其她大騷為減肥努力運動，半年減掉接近20磅的成果。

「佢會覺得我啲相有少少暴露，我解釋俾佢聽，我好減肥、做運動，都想表現一下自己努力成果。所以，而家貼相之前，就會先傳俾佢睇，問佢呢個尺度係咪OK，佢話OK，我先至夠膽貼相，咁樣佢嘅心理就會好啲，會覺得舒服啲。」她承認十二分在乎媽咪的感受，雖然媽咪身邊朋友指今非昔比，她思想未免古老石山。

張筠表示在英國讀大學，同學見天氣好，都會這樣打扮去曬太陽，所以對她來說，相片跟性感、暴露扯不上關係：「如果以一個比較正面觀點角度去睇，成件事好正常、好健康。」而她也會勸媽咪嘗試以「藝術角度去欣賞件事。」



不說不知，她曾經是香港閃避球隊隊員，代表香港參加國際賽。



去年年中開始簽約模特兒公司，她上載IG的相片也愈來愈多不同造形。



因疫情關係，她在家試做甜品，更發現自己有少少天份，這個「青蘋果」是她親手做的甜品，並非水果。



每做一件事情，她都會有始有終，去年年中開始做運動，她也一直堅持，半年內減了接近20磅。

18歲後靠自己

事事在乎媽咪感受，甚至可以用「緊張」形容，因張筠在單親家庭長大，重提媽咪辛苦多年，為要給他和妹妹最好的成長環境。張筠想起14歲那年，媽咪入院接受乳癌手術前一晚，令她上了人生重要一課，她再也忍不住哭起來：「當時我已經知道發生緊咩嘢事，但妹妹仲係好細個，佢細我四年。我仲記得媽咪當時同我講『By the way，我聽日去醫院做手術』，我奇怪點解佢好似咁輕鬆嘅，其實佢比較擔心嘅係我，因為當時我未成年，又無爸爸，所以萬一佢有咩事，就得番我自己一個。佢同我講，媽咪做手術，最唔放心嘅人就係我。當時我仲問佢到底係咩意思？嗰陣時我好驚，經常發夢，擔心媽咪出事唔知自己可以點。我當時諗到，人生喺一秒之間可以有好多改變，所以每日都要過得開心，否則有咩事就會失去一切。細嗰時，我係好驚。」手術至今多年，文雪兒亦早已康復，不過對張筠來說，這一幕已經成為烙印。

「佢好番之後，因為我已經有呢個意識，知道隨時都可能失去媽咪，唔係話媽咪好番以後就無事，可能有日會有事發生，所以一直都好驚。直至十八歲，我開始無咁驚，因為已經成年，有咩嘢事都可以靠自己，例如出去工作。」她說。

一件事情總有兩面。

張筠確實比同年齡的女孩獨立，自小做事認真投入，開始做一件事，定會好好完成。

「可能係受媽咪影嚮，佢創業時，日夜咁打電話請教其他人，畀我見到佢好有毅力，堅強既一面，自己性格都係咁，好似開始參加長跑，我習慣咗要接受訓練，逼自己去完成。又好似之前都講過，因為數學差，補習老師要我每日計200條數，我會喊住去做，但其實媽咪都有叫我停，不過我知道佢哋都係為我好，所以冇諗過放棄。」她說。