忠於自己行暗黑路線 泳兒穿露腰裝被男友寸肥
泳兒今日為港台節目「演藝盛會音樂永續」錄影時，演唱孫燕姿的歌曲《天黑黑》，她表示自己是孫燕姿的粉絲，又指這首歌是她的童年回憶，長大後再唱此曲又有全新的感受，泳兒說：「孫燕姿私下畀咗我唔同嘅意見，佢曾經同我講一個歌手要令首歌變為自己，特色好重要，以前我較少表達自己鍾意定唔鍾意，而家學識表達自己，所以最近配合歌曲喺打扮上多穿深色嘅衫。」不過穿露腰裝示人的她卻笑稱，被男友發現她有肚腩，故要縮少少肚，泳兒直言新年吃太多蘿蔔糕要減肥，所以今日只吃粥。
而近年泳兒也一改以往清新形象，大玩暗黑系風格，去年她推出暗黑三部曲的頭炮《溝渠暢泳》令人耳目一新，更成為五台冠軍歌，深得樂迷喜愛。泳兒透露最近收到一份新歌歌詞，同樣包含暗黑元素，希望今年再接再厲為樂迷帶來好歌。
提到最近曾志偉拉攏三大唱片公司與TVB破冰，安排各大歌手亮相TVB，泳兒希望樂壇百花齊放，認為歌手可在不同平台演唱是好事，又指自己最近都嘗試不同曲風，與不同公司歌手合作，她說：「最近推出新歌《所有遺失的東西》，仲同組合per-se合作，雖然大家唔同風格、唔同公司，都好多謝公司畀呢個機會我哋，出嚟嘅效果好有化學反應。」
來源 source: http://hd.stheadline.com
|
鍾意就快D Share啦！
|
|
|
