2021年2月5日星期五

【告別四眼仔】經理人珊珊請食雪糕慶祝王梓軒做矯視手術似發場夢 #林珊珊 #王梓軒

【告別四眼仔】經理人珊珊請食雪糕慶祝王梓軒做矯視手術似發場夢

王梓軒唔做四眼仔，一鼓作氣接受矯視手術，經理人珊珊（石祐珊）從旁打氣。

王梓軒近視達七百多度，纏繞他多年，不戴眼鏡就朦查查，經過多番考量，他日前扚起心肝做矯視手術，並拍片紀錄。王梓軒說：「我戴眼鏡二十幾年，之前拍劇、做運動都唔方便，拍劇拍得耐雙眼都會乾，又成日驚拍劇要打鬥、跳海或者大風吹甩隱形眼鏡，所以把心一橫做手術。」

手術成功後，梓軒在休息室時休息時表示手術感受不到痛楚，就像發了一場夢。他說：「做角膜交聯術，傷口瘉合時，我睇到橙色燈，又橙又綠，好似睇80年代迷幻嘅MV，好多光咁。」手術完成後，珊珊（石祐珊）請梓軒食雪糕，慶祝佢今次矯視手術成功。