2004年港姐亞軍朱慧敏（Queenie）今個月初被《蘋果》發現秘密入紙註冊，與養和醫院心臟科專科醫生陳良貴（Jason）結婚，上周日（24日）在半島酒店舉行pre-wedding，不過因為疫情及限聚令，可以出席的朋友不多，見證喜慶一刻的圈中朋友包括Bob林盛斌夫妻、前東華三院主席王賢誌（Vinci）等。
朱慧敏新婚一星期，今晚與老公一起在facebook開Live分享新婚經歷，她以Jason稱呼老公，Jason就叫朱慧敏做陳太，又將手放到太太背後，夫妻兩人互動相當輕鬆甜蜜。朱慧敏說pre-wedding的籌備時間很短：「我本身冇打算影pre-wedding，想喺疫情之後再影返，但Jason有日話想有紙板公仔，之後搵到好多朋友幫手一齊搞。」朱慧敏為老公着想，最初打算獨力處理所有pre-wedding籌備工作，不影響到老公在醫院的職務，Jason體恤太太說：「我唔想太太太過勞累，始終一生人一次。」朱慧敏透露Jason沒有請假，每次都是在工作完成後才抽時間影相、傾pre-wedding詳情，更試過傾到凌晨兩、三點。
身份轉變為陳太，朱慧敏說要時間習慣，又多謝老公：「我都感謝有呢啲福氣成為陳太，陳家上下對我都好好。我說服緊奶奶同我一齊開Live，佢煮嘢好叻，對整潔好有要求，但好輕易完成呢啲要求，我非常願意學，想說服佢開班。」
直播中又分享了新婚後翌日的片段，Jason在酒店房徘徊，又對鏡頭說：「結婚第一日，where is your ring？第一日你就唔知戒指去咗邊。」朱慧敏解釋背後故事，原來pre-wedding當日將老爺送的傳家之寶戒指及婚戒給了Jason，記得Jason將戒指放了在西裝褸袋，翌日問老公「我隻戒指呢？」結果Jason誤會以為不見了戒指，他又說：「我嗰隻戒指而家放咗喺屋企，用戒指盒裝住。」朱慧敏最後取出自己的結婚戒指展示，抵死說：「因為我要整蠱你，所以我帶咗出嚟。」之後再鏡頭前戴上戒指。
朱慧敏感激老公一直支持自己讀書，又不會因自己是娛樂圈人而卻步，Jason大方說：「人無分貴賤、職業，最緊要係大家互相尊重。」他又被朱慧敏踢爆是小fans，原來以前做實習醫生時正在播《畢打自己人》，睇電視覺得「呢個女仔好得意」，Jason又讚朱慧敏現時成為了臨床催眠治療師，幫助到好多人。
朱慧敏最後亦有講到奶奶就鍾意睇《珠光寶氣》，希望再有機會拍劇，想做醫生或者律師，然後帶奶奶入片場觀摩。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|