唔少藝人近年好鍾意喺社交網分享日常生活，連自己個包包都唔放過，赤裸裸咁話畀大家知有啲乜！呢日藝人蔡卓妍公開自己嘅開工袋，表示一定要夠大夠輕身，先可以裝得晒巨量嘅嘢！
講到每日必備嘅，梗係唔少得化妝袋，入面咩化妝品都齊備，仲要有成8支唇膏咁多！之後仲有潤手霜、消毒用品、杯麵等，連襪都有，認真一應俱全！嚟到重頭戲，去到介紹銀包嘅時候，工作人員問佢入面有幾多錢，開頭佢唔係好願意講，最後都拎咗成疊500蚊紙出嚟，目測有成至少3,000蚊，佢解釋：「我有好多！我啱啱先撳完錢！」
但講到最爆，貴為圈中小富婆嘅佢，手持多個豪宅，總市值估計逾億港元，去年仲疫市賣樓，賣出西灣河「港島．東18」，帳面賺逾百萬！點知竟然師奶仔上身，儲印花換雪櫃：「我有印花，想換雪櫃，但換唔到！其實啲印花係畀我嫲嫲，佢好鍾意儲印花。」唔少網友坦言喺佢身上領悟出致富之道，坦言小富婆嘅錢，果然係慳出嚟嘅！
來源 source: http://hk.on.cc
|
鍾意就快D Share啦！
|
|
|