熱爆娛樂: 失勢余詠珊同心腹撐枱腳密斟︱曾志偉搵鄧智偉返TVB 本週與三大唱片搞破冰記者會 #TVB #余詠珊 #曾志偉 #鄧智偉

2021年2月21日星期日

失勢余詠珊同心腹撐枱腳密斟︱曾志偉搵鄧智偉返TVB 本週與三大唱片搞破冰記者會 #TVB #余詠珊 #曾志偉 #鄧智偉

TVB被ViuTV狙擊，收視告急，離開大台三年多的曾志偉，連同王祖藍上月奉新主席許濤之命回朝，任高層救亡。以志偉現時孭住的銜頭(綜藝、音樂製作及節目)，擺明衝著死對頭余詠珊回歸！就連當「無綫首席創意官」的王祖藍，都是騎住余詠珊。

本刊收到消息，志偉「執政」頭炮，是跟余詠珊交惡多時的三大唱片、將在本周入電視城，與志偉舉行破冰記者會，光復《勁歌》。另曾被余詠珊爭走的音樂人鄧智偉(《呼吸有害》作曲者，高海寧舊愛)，亦被志偉召喚回巢，重拾TVB音樂總監職位。

至於失勢余詠珊不單止由綜藝科話事人，變為助理總經理(業務發展)，連老公何哲圖都保唔住，畀上場的志偉屠刀對準，無得留低。

早前壹仔見她，陪伴吃lunch的人，不是將要離職的老公，而是在這場變天中，銜頭都有改動的心腹杜之克撐枱腳密斟。

新年現身團拜騷的志偉，與同一陣線的樂易玲、曾勵珍狂吹水，失勢的余詠珊零交流。



余詠珊夫婦心血之作《聲夢傳奇》拍攝中，志偉照煞停，擺明要落余詠珊面。



凡與余詠珊交惡，包括三大唱片，及憑《呼吸有害》再彈起的音樂人，高海寧舊愛鄧智偉(右)，亦被志偉召喚回歸，上演「復仇記」。



失勢余詠珊，早前跟心腹杜之克撐枱腳密斟。



講到㷫起，余詠珊手舞足蹈。

週三志偉開記者會

志偉空降後，先向夫憑妻貴嘅余詠珊老公，即《星夢娛樂》揸fit人何哲圖下手。事實上，何哲圖在老婆余詠珊「扶持」下，在位數年，將大台《勁歌頒獎禮》變成《星夢分獎禮》，被外界嘲諷為自己友玩意，毫無代表性。加上《星夢》歌手包攬TVB劇集主題曲，令TVB同三大唱片關係，繼續進入冰河時期。直至上月志偉回朝，講明要將香港音樂還原，回復正常生態，所以上場打嚮頭炮，就是在本週內，與回巢的何麗全，同三大唱片舉行破求記者會，以證上任就成功拆彈。還有《呼吸有害》作曲人，高海寧舊愛鄧智偉，亦會日內返工。他是樂易玲愛將，但當日畀余詠珊踢走，今次由志偉召喚回歸，種種舉動，對余詠珊夫婦而言，簡直是狠狠摑一巴。



志偉回朝掌權綜藝及音樂部門，余詠珊老公，《星夢娛樂》揸fit人何哲圖率先落馬，月底離任，不過有傳他已火速搵到金主，再起爐灶。

「藍神」周柏豪有水泡阿叻

如今音樂業務由志偉接手，唔再玩《星夢》圍爐，旗下一姐菊梓喬、吳若希、JW、胡鴻鈞等人，失去sugar daddy的庇蔭，有傳這批余詠珊愛將前途凍過水！日前傳出，曾志偉原計劃喺初三搞直播賀年騷，講明禁止《星夢》人參予，但有知情者爆: 「空降志偉，就係為剷除昔日山頭主義，唔想藝人再成為派別磨心，所以《星夢》成員唔會掟入雪櫃。原本初三個騷，唔係唔俾《星夢》參予，只係唔想好似以前大台騷咁:『咦，又係你哋呀！』，來來去去都係嗰幾位咁啫！以所知，佢哋之後策略係用人唯才，邊個有才能就畀機會，唔係好似以前咁，只要係自己人就盲目咁捧。」

而被指靠錯邊，冇運行的星夢一哥，「藍神」周柏豪，據悉他仍獲藍到黑嘅陳百祥撐住，話晒同聲同氣齊撐警，就算曾志偉唔睇僧面，都睇佛面，做不成一哥，都不致變棄將。

在《星夢》絲毫無損嘅人，當然是志偉新抱王敏奕，不過老爺為免指有私心，會否揸正來做不偏坦，只能拭目以待。



星夢一哥「藍神」周柏豪，因有阿叻撐住，不致成為變天後的星夢棄將。(網上影片截圖)

傳李寶安年底約滿

失勢後，聲言「權力無乜意義」参余詠珊，老公無得留低，心腹杜之克亦只管戲劇，變相削權。反而她，唔使即時執包袱，繼續「擺住先」，協助年底便約滿的行政總裁李寶安，推動業務發展。

據知志偉因畀面老友殼王陳國強緣故，才沒把他舊愛將余詠珊即時「處決」，只將她投閒置散，算給殼王一個交待。

11年殼王入主TVB後，將管理層洗牌，何麗全及陳志雲先後離開，並急召愛將余詠珊頂替何麗全之位。有指她早年在台灣開設的製作公司，亦獲殼王支持，可見余詠珊深得老闆信任。