內地綜藝節目《乘風破浪的姐姐2》上一集楊丞琳踢館成功，但節目就淘汰咗4位姐姐，當中包括好友陳妍希，令楊丞琳一度淚崩。收拾好心情嘅楊丞琳繼續錄影，更做埋隊長，最新一集中，佢除咗大爆陳妍希私下貼心舉動，仲意外爆出對方離開後嘅行蹤，間接粉碎陳妍希與老公陳曉婚姻觸礁嘅烏龍傳聞。
楊丞琳同隊友一齊搭車期間，袁姍姍問佢要唔要飲咖啡，佢就笑說：「她（陳妍希）把咖啡機跟粉留給我了，還把一個加濕器留給我。」睇得出兩人感情好好，就算離開節目都將好嘢留畀好友。
言談間大家仲好好奇陳妍希離開節目後去向，大家都以為佢應該返北京住處，點知楊丞琳立刻回應：「她去橫店，在那邊過年。」眾女星聽到滿頭霧水，楊丞琳自爆料原來陳妍希老公陳曉喺橫店拍戲，成個農曆新年都會留喺當地，所以陳妍希選擇去橫店團聚。雖然楊丞琳將閨蜜行蹤曝光，不過亦間接粉碎對方婚變傳聞。
另外，張栢芝在節目中因為小考舞蹈動作跟唔上隊友，導致全隊分數排名最低，佢自責爆喊時鏡頭忽然拉近，令網友發現佢皮膚狀態非常好，大讚佢似足20幾歲𡃁妹。
來源 source: http://hk.on.cc
|
鍾意就快D Share啦！
|
|
|