2021年3月4日星期四

吹住海風做瑜伽 44歲呂麗君全身冇半滴多餘脂肪 #呂麗君

吹住海風做瑜伽 44歲呂麗君全身冇半滴多餘脂肪

44歲嘅呂麗君玩開瑜伽所以身材Keep得好好。

劉鑾雄(大劉)的舊愛，44歲嘅呂麗君(Yvonne)（現名呂姵霖）好鍾意做運動，跳芭蕾舞、瑜伽、行山、跑步，甚至參加過馬拉松。之前一直低調嘅佢近年都幾活躍社交網，同18歲囡囡劉秀盈一樣不時更新IG，阿囡鍾意Share跳芭蕾舞同彈結他片段，又會答網民問題，為人都幾Nice，而阿媽就主力Po運動相，見佢做瑜伽功力都幾深厚，將自己左扭右扭面無難色，最新喺哥連臣角海邊做瑜伽，佢擺出蓮花手印，話屬於第三大瑜伽姿勢，重點係佢套運動背心加長褲，上圍豐滿條腰又幼，全身冇半滴多餘脂肪，點睇都唔似44歲，30歲就差唔多。