朱敏瀚同余思霆變咗現代版「牛郎織女」。
藝人余思霆去年秋天獲無綫「派差」，前往台灣逗留及拍攝連串綜藝節目，此後一直「冇歸期」，最新消息指可能7月才能返港。她與男友朱敏瀚多月未相聚，這對「牛郎織女」平日只能靠視像通話保持聯絡，幸而感情有增無減，日前男方更趁白色情人節，越洋向思霆送上大束玫瑰表心迹，氹得女友開心不已，抱花連拍且上載到互聯網放閃。
談到男友今次的驚喜，思霆冧爆表示：「佢傻咗㗎，紮花送到我屋企樓下，真係未試過。我唔係特別鍾意花，但見到都好感動。（閃盲網民喎！）原諒我哋啦，我哋Long D咁耐，點都要做啲嘢維繫吓嘛。」朱敏瀚則回覆表示：「依家可以網上訂花，好方便。（女友冧爆喎。）咁要問返佢嘞。（束花好貴？）唔使幾千蚊。」
來源 source: http://hk.on.cc
|
鍾意就快D Share啦！
|
|
|
