2021年3月17日星期三

機長參加《衝上雲霄大選》落敗　李傑志轉行做速遞搵兩餐

李傑志宣佈與數名友人合資開運輸公司。

李傑志（Brian）在2000年以模特兒身份出道，2008年轉為全職藝人，與三位隊友組成男子組合Square，可惜事業一直未見起色，2011年他毅然離開娛圈，向機師夢進發。在國泰港龍航空工作7年的Brian獲升任為高級副機長，可惜疫情重擊航空業，國泰港龍更於去年結業，令原本有着大好前景的Brian頓成失業大軍。

去年12月，Brian參與TVB舉辦的《衝上雲霄大選》，打算重投娛樂圈懷抱，未料最終於比賽中落選。幸天無絕人之路，他今日於IG劈頭留言，笑稱本着「細個唔讀書，大個做運輸」的精神，於是跟數名好友合資開設小型速遞公司「龍仔速遞」，Brian寫道：「希望搵兩餐之餘，仲可以保育翻龍仔個牌頭。龍仔主要做食材嘅運輸，係啱啱嘅新年，就幫三間餐廳送左（咗）幾百個盤菜，同近千底年糕，亦都有運凍肉、蛋糕等等，而嚟緊都會開始運埋寵物食糧。不過而家經濟差搵食艱難，希望大家可以支持下龍仔，等我地（哋）幫下大家做運輸。只要係ex-crew或者仲飛緊嘅同事，無論咩類型嘅網店，龍仔都使命必達，保證將件貨安全穩妥咁送畀個客。」並揚言會給航空業同行提供運輸折扣優惠，實行互相支持，共渡難關。