解凍首現身懶理黎振燁景況 朱智賢：淨係將注意力放自己度
朱智賢被雪藏將近一年，今日為將於下周一晚8時30分首播的劇集《愛美麗狂想曲》宣傳首度現身，她坦言能出席宣傳感恩又感動，經一事長一智，現已認清方向往後專心工作。
朱智賢自去年5月被踢爆跟人夫黎振燁車廂食蛋糕後，隨即冠上「偷食人夫」之名，投閒置散。她有備而來面對傳媒訪問，表現淡定。問到是否正式解封？她說：「首先多謝公司畀我有份參與嘅劇集做宣傳，都係等公司安排，相信公司嘅安排都係最好。」她透露仍然未有新工作安排，但她已準備好任何類型工作。問到這段時間有甚麼得著？她說：「呢段時間話長唔長，話短唔短，我覺得係經一事長一智，認清自己嚟緊嘅目標，會重新出發，更加專注事業，做一個專業嘅演員。」談到期間男友謝東閔是否全力支持？她說：「我哋一向都互相支持，互相扶持。」
提到黎振燁亦有參演《愛》劇，可怕惹來網民再次抨擊？朱智賢指這是輕喜劇，相信觀眾會看到演員們的努力。問到可有覺得很幸運，因黎振燁仍未解封？她說：「我淨係會將注意力放喺自己度，因為我發覺事業係最緊要，其他嘢我唔會去干預。」提到她有前科跟網民網上開火，她說：「大家都從錯誤中學習啦，我會畀心機做好我要做嘅嘢。」問到可有想過退出？她說：「我覺得要隨心，好多嘢勉強唔到，同自己講要做好自己就得。」問到可有跟黎振燁聯絡？她說：「過去嘅嘢唔答，況且今日係劇集宣傳。」
來源 source: http://hd.stheadline.com
|
鍾意就快D Share啦！
|
|
|