UA結業好唏噓歎人生冇希望 洪金寶憂市民生活心酸流眼淚
洪金寶今日出席電影《邊緣行者》開鏡儀式，太太高麗虹亦陪伴在側。雖然屢次被傳健康欠佳，但他今日精神飽滿，更快跑出場相當精靈！他透露已有近兩年沒接戲，今次客串演大哥：「唔會刻意要求劇組安排休息時間，因為休息咗兩年，有工開仲開心！」
洪金寶又指香港電影業仍有工開已值得開心：「香港人拍香港電影嘛！唔知幾時會停呢？今日聽到UA全線結業，可能連電影及電視都就快沒落，要聽返收音機，香港乜都復古！（唏噓？）當然以前成日行戲院睇觀眾反應，依家冇呢支歌仔唱嘞！」
洪金寶坦言十分欣賞及佩服有電影公司疫情下仍開戲，自己則沒這本事。會否減片酬支持同業？他笑說：「如果政府搵我拍就唔使減啦，大把錢，同業就有得傾。（希望政府幫助電影業？）唔講咁多嘞！人生冇希望，只希望香港仲有空氣可以呼吸，睇電視見到老百姓嘅生活都心酸，想幫都幫唔到咁多，唯一可以做就係流眼淚。」
來源 source: http://hd.stheadline.com
|
鍾意就快D Share啦！
|
|
|