藝人楊茜堯同老公羅子溢育有大眼愛女羅翊心（小珍珠），兩公婆錫到個女燶，唔經唔覺原來小珍珠已經一歲生日！楊茜堯同羅子溢同囡囡大搞生日P，幫阿女着咗件「I Love Papa and Mama」嘅衫仔，再襯公主裙，而佢兩個就着「I Love my Baby」嘅Tee，親子裝溫馨到爆。
受疫情影響，見佢哋都冇大搞，只係喺個露天地方Set好生日慶祝Corner，有晒氣球、Backdrop、Cupcake等全部粉色布置，佢哋仲為阿女訂咗個有Q版小珍珠造型嘅兩層大蛋糕，心意滿分。
楊茜堯晒出多張現場相，當中唔少得佢哋一家三口全家福，佢仲留言親自解釋阿女乳名嘅由來：「你呱呱落地，袖珍的身子恍如一粒『小珍珠』，因此，婆婆給你取了這個名字❤️」而佢同老公都分別留言祝福囡囡，希望佢永遠健康快樂！
羅子溢指今年女兒首次過生日，所以特別為她搞個小型派對慶祝：「因為疫情關係，所以呢個小型派對其實都考慮咗好耐，最後都決定搞，個派對喺楊卓娜屋企舉行，我哋上網買咗啲布景板、砌啲圖案，訂咗蛋糕咁，同囡囡吹下蠟燭，留個紀念，等佢大個可以睇番，做啲我細個做唔到嘅嘢，幫到佢（小珍珠）影低啲相留念都係一件開心嘅事嚟。」
來源 source: http://hk.on.cc
|
鍾意就快D Share啦！
|
|
|
