「支持新疆棉花」活動僅僅過咗一個週末，內地大批網民聲稱抵制，不過中國石家莊Adidas店長龍掃貨，仲要進行人流管制。唔通大家都冇咗件事，原諒咗adidas？即刻睇睇到底咩事！
撰文：神仙b｜圖片：搜狐新聞 截圖｜編輯：海月
Eason 白白犧牲？ 內地Adidas門店火爆要排隊
上星期嘅「支持新疆棉花」活動如火如荼，不少明星紛紛同國際品牌解除合約。不過，河北石家莊嘅市民就趁假期（4月3日），到Adidas大肆採買運動產品。
內地拍攝嘅影片可以見到，中國石家莊adidas店外排長龍，店內擠滿消費者。唔少顧客喺店內當眾試衫，持續兩個小時依舊是爆滿狀態。adidas店為維持現場秩序，仲要請幾個保安喺門叫市民排隊等入店。
保安受內媒採訪時就解釋，喺防疫措施限制進入店舖嘅人數。從中午就開始出現人龍。可能出於防疫措施，保安強調人數唔算太多，約莫40人。每隔約10分鐘會放7至8人入內選購，唔洗等好耐就可以入店。
事件上傳網絡後，引來網民熱議。有網民表示，堅持抵制拒用新疆棉的國際產品，強調：
「減價都唔會買。」
更有網民指責排隊嘅河北市民：
「可真都是軟骨頭。」
有微博網民留言稱自己屋企附近嘅Adidas店雖然有唔少顧客，但更多人表示，自己附近Adidas店只有零星顧客，人數不如國產運動品牌嘅門市。
內地最大搜索網站百度已經對該新聞進行限制流量，並進一步刪除相關嘅新聞稿。
來源 source: http://www.nmplus.hk
|
鍾意就快D Share啦！
|
|
|