影星周潤發熱愛跑山，還不時與一班志同道合的藝人結伴出行，最近他就帶領幾位較年長的藝人如盧海鵬、劉江等慢跑養生。將近80歲的鵬哥，3年前發現身體其中一條血管塞了9成，及後要進行「通波仔」手術，此後他開始注重身體。日前於清晨時分，獲周潤發揸車到其寓所接載，之後出發到大美督會合黃日華、劉江及苗僑偉夫婦，隨後周潤發即帶頭領跑，雖然鵬哥體能有限，但最終兩小時跑完全程。周潤發趁休息期間化身醫師，先與鵬哥進行小腿推拿及腳底按摩，其他跑友也紛紛排隊「輪症」。
鵬哥接受東網訪問時，透露已跟隨周潤發跑步幾個月，由於每朝也晨早出動，故已習慣晚上九時便上床睡覺。問到能否堅持到底？鵬哥笑言：「幾個月我都冇缺席過，初頭連行都未得，之後半行半跑，依家可以慢跑5公里，佢哋勁啲就跑10公里，我覺得身體係好咗，其實唔係佢捉我去跑，邊會做運動啫！周圍都係病毒，點敢四圍去。（周潤發按摩手勢好唔好？）非常好，好舒服，佢唔只幫我，個個都有幫㗎！依家日日跑一個鐘，之後一齊食嘢，到10點幾就完成返屋企。」
來源 source: http://hk.on.cc
|
鍾意就快D Share啦！
|
|
|