韓君婷深受財政問題困擾，幸好得到好友梁思浩、李思蓓及蔡國威等幫助，陪她渡過難關。與她過了2年同居生活的蔡國威，得聞對方申請破產相當愕然：「好Shock！完全唔知呢件事！可能我最近喺無綫開劇，返到屋企佢都瞓咗，少咗溝通。（向你求救？）向來唔會過問大家財政，佢都冇問過我借錢。（幫佢？）睇個數有幾大，畢竟我只係小演員，呢2年喺住屋同生活上都幫緊佢，喺能力範圍內，我都好想幫到呢位好朋友。」
至於梁思浩承認半個月前邀請君婷加盟其網台節目做主持，但對破產一事不願多談：「私人事交番畀佢講（用超高價錢請佢？）一個令佢滿意嘅價錢，畀份安穩嘅收入佢。我只想講，如果佢有咩問題，唔使擔心，我會撐佢。」李思蓓亦坦言君婷向她提及過現況：「無論做咩決定，我都會支持，佢冇問過我借錢，因為唔想煩到朋友，寧願自己想辦法，但只要佢有需要，我隨時都會幫佢。」
來源 source: http://hk.on.cc
|
鍾意就快D Share啦！
|
|
|